काठमाडौँ, ६ जेठदुई ठूला पार्टी नेकपा (एमाले) र नेकपा (माओबादी केन्द्र) मिलेर नयाँ पार्टी नेकपाको निर्माण भएसंगै पुराना दुवै पार्टीका जनवर्गीय सङ्गठन बिघटन भएका छन । जेठ ३ गते नै संयुक्त केन्द्रीय समितिको बैठकले दुवै पार्टीको जनवर्गीय सङ्गठन विघटन गरेका थिए ।
नेपाल कम्युनिस्ट पार्टी (नेकपा) ले आफ्नो पुरानो सम्पूर्ण जनवर्गीय सङ्गठन विघटन भएको र नयाँ जनवर्गीय सङ्गठन निर्माणको तयारी गरेको बताएको छ । आफ्ना पुराना जनवर्गीय सङ्गठनलाई पुरानो हैसियतमा कुनै काम नगर्नसमेत नेकपाले निर्देशन दिएको बुझिएको छ ।
नेकपाले जनवर्गाीय सङ्गठनहरू, पेशागत सङ्गठनहरू र सामाजिक तथा सामुदायिक सङ्गठनहरू गरी तीन प्रकृतिका सङ्गठनहरू बनाउने तयारी गरेको बताइएको छ । ३ महिनाभित्र जनवर्गीय सङ्गठनले पूर्णता पाईसक्ने नेकपाको दावी छ । युवा, बिद्यार्थी, मजदूर, महिला, कर्मचारी, शिक्षक लगायतका जनवर्गीय संगठनहरु दुवै दलका शक्तिशाली र प्रभावकारी रहेका थिए ।