काठमाडौ–वन तथा वातावरण मन्त्री शक्ति बहादुर बस्नेतले जैविक विविधताको संरक्षणसँगै सही उपयोग गर्ने विषय चुनौति पुर्ण रहेको बताएका छन् ।
अन्तराष्ट्रिय जैविक विविधता दिवसको सन्र्दभमा मंगलबार ललितपुरको खुमलटारमा आयोजित कार्यक्रमलाई सम्बोधन गर्दे मन्त्री बस्नेतले जैविक विविधतालाई पुँजीकृत गर्नु मुख्य चुनौति रहेको बताएका हुन् ।
जैविक विविधतालाई पुर्नउत्पादनको क्षेत्रमा उपयोग गर्दै पुँजीकृत गर्नुपर्ने तर्क उनको छ ।
मानवजातिले आर्जन गरेको ज्ञान विज्ञानलाई आधार मान्दै संंरक्षण र विकास संगै लैजानुपर्ने भन्दै बस्नेतले पुर्वाधारका काम गर्दा सधै जैविक विविधता संरक्षणको कुरा उठ्ने गरेको भन्दै परिस्कृत र योजनावद्ध ढंगले संरक्षरण र विकासलाई अघि बढाउनुपर्नेमा जोड दिए ।
बर्षमा एक दिन केही विरुवा रोप्दैमा जैविक विविधताको संरक्षण नहुने भन्दै उहाँले योजनावद्ध ढंगले यसको संरक्षणमा लाग्नुपर्ने बताए ।
जैविधि विविधता महासन्धिका २५ बर्षः पृथ्वीमा सुरक्षित जीवनको सुनिश्चितता भन्ने नाराका साथ मंगलबार विविध कार्यक्रम गरि नेपालमा पनि जैविक विविधता दिवस मनाईएको छ ।