सर्लाही, ९ जेठबाटोको विषयमा दुई पक्ष वीच झडप हुँदा सर्लाहीमा वडा सचिवसहित चार जना घाईते भएका छन् ।
सर्लाहीको धनकौल गाउँपालिका २ सेखौनामा सडक विस्तार कार्यको लागि नापजाँच गरी फर्कदैं गर्दा वडा नम्बर २ कै वडा सचिव मुकेश कुमार सिंह, गाउँपालिका अध्यक्ष रामआश्रय साहका भतिज दिपेन्द्र प्रसाद साह, अध्यक्षकै भान्जा भरत कुमार साह र अर्का एक यूवा सुनिल कुमार यादव घाईते भएका हुन् ।
घाईते मध्ये सुनिल कुमार यादव वाहेक अन्य तिन जनाको अवस्था गम्भीर रहेको ईलाका प्रहरी कार्यालय बरहथवाका प्रहरी निरीक्षक ललन प्रसाद कुर्मीले बताए ।
प्रहरीका अनुसार गाउँ भन्दा पर बाँस घारीमा लुकेर वसेका १५/१६ जनाको समूहले वाँसको भाटाले आक्रमण गर्दा उनीहरु घाईते भएका हुन । घाईते मध्ये तीन जनालाई थप उपचारको लागि विरगंज रिफर गरिएको छ ।
घट्नामा संलग्न रहेको भन्दै अन्दाजी ५० वर्षका परीक्षण महतोलाई प्रहरीले पक्राउ गरेको छ । अन्य फरार रहेको हुँदा उनीहरुको खोजी भई रहेको प्रहरी निरीक्षक कुर्मीले जनाएका छन् ।