जनकपुर, १० जेठसाउदीमा मुत्युदण्डको सजाय भोगी रहेका उमेश यादवको जीवन रक्षाको लागि हेल्प मधेशीले संकलन गरेको रु दश लाख मुख्यमन्त्री लालबाबु राउतको हातबाट ग्रोइङ्ग नेपाल फाउण्डेशनका अध्यक्ष सरोज रायलाई हस्तान्तरण गरिएको छ ।
हेल्प मधेशी जनकपुर च्याप्टरले मुख्यमन्त्री कार्यालयमा आयोजना गरिएको एक कार्यक्रमका बीच मुख्यमन्त्री राउतले उमेश यादवका पारिवारिक सदस्यहरुको उपस्थितिमा सो रकम अध्यक्ष रायलाई हस्तान्तरण गरेका हुन् ।
कार्यक्रममा मुख्यमन्त्री राउतले उमेश यादवको जीवन रक्षाका लागि हेल्प मधेशीले गरेको सहयोगको प्रशंसा गर्दै अगामी दिनमा समेत समस्यामा परेका मधेशीहरुको रक्षाका लागि यस्तै सहयोगको अपेक्षा समेत व्यक्त गरे । उनले उमेश यादवको जीवन रक्षाको लागि प्रदेश सरकारबाट हुने हरेक सहयोग गर्न आफुहरु तैयार रहेको प्रतिबद्धता समेत व्यक्त गरे ।
३० लाख पाकिस्तानी रकम ब्लडमनी पीडित परिवारलाई दिनु पर्ने छ । सो अभियान अन्तर्गत हाल सम्म ३७ लाख ५० हजार नेपाली रुपैया संकलन भै सकेको उमेश यादव बचाउ अभियानका संयोजक समेत रहेका रायले जनाएका छन् । अब उक्त खातामा कुनै रकम जम्मा नगर्न समेत रायले सबैमा आग्रह गरेका छन् ।