बाल्टीनको पानीमा डुबेर पाल्पाको रामपुर नगरपालिका–खोप्टारमा एक बालकको ज्यान गएको खबर छ । ज्यान जानेमा ३ वर्षिय बालक सविन थापा रहेका छन् ।

बालक थापा अभिभावकको असावधानीका कारण बाल्टीनको पानीमा डुबेका थिए । कसैले नदेख्दा उनको देहान्त हुनपुग्यो । घटना आज शनिवार एकाबिहानै अन्दाजी ७ बजेको समयमा भएको थियो ।

शव रामपुर अस्पतालमा राखिएको र घटनाको थप अनुसन्धान भैरहेको इलाका प्रहरी कार्यालय रामपुरका प्रहरी नायब निरीक्षक ऐनबहादुर थापाले जानकारी दिए ।