त्रिभुवन विश्वविद्यालयको बल्खुस्थित परीक्षा नियन्त्रण कार्यालयले आवेदन दिएकै दिनमा ट्रान्सकिप्ट उपलब्ध गराउने भएको छ । यस अघि कम्तिमा एक साताको समय लिएर मात्र ट्रान्सकिप्ट उपलब्ध गराउदै आएकोमा अबदेखि एकैदिनमा ट्रान्सकिप्ट उपलब्ध गराइने भएको हो ।

आइतवार आयोजित एक कार्यक्रममा त्रिविका उपकुलपति प्राडा तिर्थराज खनियाँले नयाँ प्रविधि त्रिवि परीक्षा व्यवस्थापन सूचना प्रणाली (TUEMIS) को शुभारम्भ गर्दै विद्यार्थीले अब ट्रान्सक्रिप्ट पाउन कुर्न नपर्ने दावी गरे । उनले उक्त अवसरमा शिक्षाशास्त्रमा स्नातक गरेका सिरहाका मनोजकुमार सिंहलाई ट्रान्सकिप्ट दिएर नँया प्रबिधीको शुभारम्भ गरेका थिए ।

”आजदेखि एकै दिनमा ट्रान्सकिप्ट दिन थालेका छौ । एकै दिनमा ट्रान्सकिप्ट दिने सेवालाई विस्तारै क्षेत्रीय कार्यालय र क्याम्पसमा विस्तार गर्नेछौँ ।” उनले भने ।

तत्काल शिक्षाशास्त्रमा लागू गरिएको यो सेवा एक हप्तापछि सबै संकायमा लागू हुने र बिद्यार्थीहरुले आवेदन दिएकै दिनमा ट्रान्सकिप्ट पाउन सक्ने पनिकाले जानकारी गराएको छ ।