News Portal

  • बीबीएस अध्यनरत विद्यार्थी अर्यालले सहयोग गरेपछि प्रहरी दंग

    रामकृष्ण सिवाकोटीहेटौँडा, जेठ १५
    १७५३ पटक
    हेटौँडा, जेठ १५

    सामाजिक सेवामा लाग्न उमेरले नछेक्ने उदाहरण बनेका छन् विद्यार्थी बुद्धराज अर्याल । अखिल क्रान्तिकारी मकवानपुर जिल्ला स्वयम् सेवक संयोजक समेत रहेका विद्यार्थी नेता अर्यालले ईलाका प्रहरी कार्यालय भिमफेदी हेटौंडालाई २ थान सीसीटीभी क्यामेरासहित मोनिटर लगायतका अन्य आवश्यक सामाग्री सहयोग गरेका छन् ।

    केही दिन अगाडि मात्र हेटौंडा जेसिस द्वारा आयोजित डोनेसन प्रोग्राम अन्तर्गत कालिका आधारभुत विद्यालय ( -नकौली बसामाडी ) मा २ सय १५ विद्यार्थीहरुलाइ  १ हजार २ सय कापी बितरण गरेर सामाजिक क्षेत्रमा सक्रिय रहेका अर्यालले यतिबेला सीसीटीभी नै सुम्पिदिएपछि प्रहरी र स्थानिय दंग परेका छन् ।

    शुक्रबार एक कार्यक्रममा इलाका प्रहरी कार्यालयका निमित्त प्रहरी प्रमुख सइ मेघराज घिमिरेलाई हेटौँडा–७ बस्ने हाल बि.बि.एस. चौथो बर्ष मकवानपुर बहुमुखी क्याम्पसमा अध्ययनरत् बुद्ध अर्यालले सिसिटिभी क्यामेरा सहितको सामाग्री हस्तान्तरण गरेका हुन् ।

    कार्यालयलाई थप व्यवस्थित र सुरक्षित बनाई शान्ति सुरक्षाको मोनेटरिङ गर्न सहयोग होस् भन्ने उदेश्यले सिसिटिभी क्यामेरा हस्तान्तरण गरिएको अर्यालले बताए । अर्यालको सहयोग ग्रहण गर्दै सइ घिमिरेले धनभन्दा मन ठूलो भएको भन्दै कलिलै उमेरमा समाजसेवी भावना भएका अर्याल जस्ता युवाहरुको खाचोँ रहेको बताएका थिए ।

    कार्यक्रमका प्रमुख अतिथि एवं भिमफेदी गाउँपालिकाका प्रमुख प्रशासकीय अधिकृत जीवन कुँवरले कार्यक्रममा बोल्दै नागरिकस्तरबाट निरन्तर सहयोगको अपेक्षा गरिएको बताउँदै सर्हानीय कार्यका लागि अर्याललाई धन्यवाद ज्ञापन गरेका थिए ।

    कार्यक्रममा भिमफेदी गाउँपालिका वडा नम्बर ६ का अध्यक्ष सिताराम थापा, गाउँपालिकाका कर्मचारीहरु,स्थानीय बासिन्दाहरु, पत्रकार तथा प्रहरीहरुको सहभागिता रहेको थियो ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...