नेपालवाल संवाददाताकाठमाडौँ, १६ जेठ
काठमाडौँ, १६ जेठमहानगरीय प्रहरी वृत्त दरवारमार्गका डीएसपी अख्तियारको फन्दामा परेका छन । व्यवसायी संग मासिकरुपमा घुस लिने गरेका वृत्तका प्रमुख नै अख्तियारको फन्दामा परेका हुन् ।
प्रहरी नायव निरीक्षक(डीएसपी ) बीरेन्द्रबहादुर ऐडीलाइ मंगलवार अख्तियारको बिशेष टोलीले नियन्त्रणमा लिएको छ । मासिक रुपमा रकम नदिए व्यवसाय सञ्चालन गर्न अप्ठ्यारो बनाइदिने डर/धम्की देखाई सेवाग्राहीसँग घुस रकम माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको कार्यालय टङ्गालबाट खटिई गएको टोलीले उनलाई नियन्त्रणमा लिएको हो ।
चौबीस हजार घुस वापतको रकम लिइसकेको अवस्थामा डीएसपी एेडी पक्राउ परेको अख्तियारका प्रवक्ता रामेश्वर दंगालले जानकारी गराएका छन । एेडीलाई रिचमण्ड फूड क्याफे महाराजगञ्ज, काठमाडौंबाट नियन्त्रणमा लिई अनुसन्धान कार्य भइरहेको प्रवक्ता दंगालले बताए ।