कल्याणपुर नगरपालिका बडा नं. ६ भोक्राहामा सर्पको टोकाइले एक किशोरीको मृत्यु भएको छ । कमला नदिको बगरमा तरबुजा टिप्न गएको बेला सर्पले टोक्दा स्थानीय ततरा मियाँको १६ वर्षीया छोरी अमिदा खातुनको सोमबार ज्यान गएको बडा अध्यक्ष मोतिबुल राइनले बताए ।

किशोरीलाई सर्पले टोक्दा तत्कालै एम्बुलेन्सको व्यवस्था नहुँदा मृत्यु भएको बडा अध्यक्ष राइनको भनाइ रहेको छ । उनले भने “सर्पले टोक्दा एम्बुलेन्स नहुँदा समयमा अस्पताल पुर्याउन नसक्दा युबतीको मृत्यु भएको हो, ढिलो गरी उपचारका लागि बन्दिपुर सेना क्याम्पमा पुग्दा त्यहाँ उपचार सम्भब नहुने डाक्टरले भनेपछि तत्कालै गोरख गण चोहर्बा पुर्याउने बित्तिकै युबतीको मृत्यु भयो ।”

एम्बुलेन्सको कारणले जनताको ज्यान जान नदिनका लागि स्थानीय स्वास्थ्य चौकीमा छिट्टै एम्बुलेन्सको व्यबस्था गर्ने बडा अध्यक्ष राइनले बताए ।