सर्लाही, २० जेठजनप्रतिनिधि निर्बाचित भएको एक बर्ष पछि हरिवन नगरपालिकाको न्यायपालिकाले आज पूर्णता पाएको छ । नगरपालिकाको उपमेयर संयोजक रहने न्याय पालिकामा सदस्यहरु चयन हुन् नसक्दा हरिवनको न्यायिक समितिले पूर्णता पाएको थिएन ।
दुई सदस्य सर्ब सम्मत रुपमा चयन गरेपछि समितिले पूर्णता पाएको उपमेयर एवं न्यायिक समिति कि संयोजक रेनुका पौडेल ले बताइन् । निर्बाचन समितिका संयोजक एवम् नगरपालिकाका प्रमुख प्रसासकिय अधिकृत टिकाराम ढकालको संयोजकत्वमा गठित समितिले निर्बाचनविधिद्वारा सदस्य चयन गरेको हो ।
दुई सदस्यका लागि ११ जना को उम्मेद्बारी परेको भए पनि अन्तिम समयमा आएर ९ जनाले उम्मेद्बारी फिर्ता लिए पछि दुई जना आइतवार सर्ब सम्मत रुपमा चयन गरिएको प्रमुख प्रसासकिय अधिकृत टिकाराम ढकालले जानकारी गराए । ढकालका अनुसार सम्मतरुप चयन हुने सदस्यमा कार्यपालिका सदस्य केदार खड्का र हरिमाया घलान रहेका छन् । उनीहरु दुबै जनालाई आईतबार एक कार्यक्रमका बीच नगरपालिकाका मेयर गणेश प्रसाईंको प्रमुख आतिथ्यतामा निर्बाचन समितिका संयोजक ढकालले न्यायिक समिति सदस्यको सपथसमेत गराएका छन् ।
बिधान अनुसार निर्बाचन प्रक्रिया द्वारा नै सदस्य छनौट गर्नु पर्ने प्राबधान अनुसार निर्बाचन कार्यतालिका अगाडि बढाईएको थियो । ११ वटा वडा रहेको हरिवन नगरपालिकामा ६०जना कार्यपालिकाका सद्स्य रहेका छन् ।