शिक्षा मन्त्रालयसहित नीजि विद्यालय र विद्यार्थी संगठनहरुबीच सहमति भएको शुल्क लागू नगरेको र नीजि विद्यालय संचालकहरुले मनोमानी ढंगले वृद्धि गरेको शुल्क फिर्ता नगरेको भन्दै बिद्यार्थी संगठनहरुले शैक्षिक हड्ताल गरेका छन् । हडतालको आज आंसिक प्रभाव परेको छ ।

बिद्यालय बन्दका कारण बिद्यार्थीहरु आधा बाटो बाटै फर्किएका छन । अभिभावकहरु बन्दको कारण थाहाँ नपाउदा अन्योलमा परेका थिए ।

बिहीबार सरोकारवालाहरुसंग अन्तरक्रिया गरेका उनीहरुले सोमवार हड्तालको घोषणा गरेका हुन् । संविधानले मौलिक अधिकारको रुपमा स्वीकार गरेको निःशुल्क शिक्षा नीति लागू गर्न सरकारसँग उनीहरुको माग छ ।

संयुक्त ८ विद्यार्थी संगठनले जेठ १३ गते बैठक बसेर २१ गतेको आम शैक्षिक हड्ताललगायत आन्दोलनका कार्यक्रम सार्वजनिक गरिएको थियो । अखिल क्रान्तिकारी , नयाँ शक्ति बिद्यार्थी युनियन , राजपा बिद्यार्थी संगठन, समाजबादी बिद्यार्थी फोरम, अनेरास्ववियु पाचौ,राष्ट्रबादी बिद्यार्थी संघ लागायतका ८ बिद्यार्थी संगठनले हड्ताल आह्वान गरेका हुन् ।

शैक्षिक मागसँगै सरकारले बढाएको पेटोलिय पदार्थको मूल्य वृद्धिको पनि विद्यार्थीहरुले विरोध गरेका छन् ।