नेपालवाल संवाददातादाङ, २५ जेठ
दाङ, २५ जेठलमही नजिक सिसहनीयामा शुक्रबार विहान अन्दाजी ६:३० बजेको समयमा एक यात्रुबाहक बस दुर्घटनामा परेको छ ।
जनकपुरबाट नेपालगञ्ज तर्फ हिडेको ना ५ ख १८२९ नम्बरको बस दुर्घटनामा परेको हो ।
दुर्घटनामा परि भारत लक्ष्मीपुरकी ५ वर्षीया मुरबी मोहम्मदको मृत्यु भएको वडा प्रहरी कार्यालय लमहीले जनाएको छ भने करीब ३० बढी घाइते भएका छन् ।
बस अनियन्त्रित भै सडकबाट तल नालामा खस्दा दुर्घटना भएको उद्धारमा संलग्न साटुराम चौधरीले बताए । चालक निदाएको कारण बस अनियन्त्रित भै नालामा खसेको हुनसक्ने प्रहरीको प्रारम्भिक अनुमान छ ।
घाइतेहरुको लमही अस्पतालमा उपचार भइरहेको बताइएको छ ।