जनकपुर, २९ जेठराष्ट्रिय जनता पार्टी नेपालले समेत सरकारमा सहभागी हुने इच्छा देखाएको छ । राजपाका संयोजक महन्थ ठाकुरले राजपा पनि सरकारमा जान इच्छुक रहेको बताएका हुन् ।
सोमबार जनकपुर बिमानस्थलमा संचारकर्मीहरुको साक्षात्कारमा ठाकुरले सरकारमा जान इच्छा देखाएका हुन् ।
‘हरेक पार्टीको उदेश्य सरकारमा पुग्नु भएको र पार्टी गठन पनि त्यही उद्देश्यका साथ भएको भन्दै ठाकुरले राजपा पनि सरकारमा सामेल हुन् खोजेको खुलासा गरे ।
मधेश केन्द्रित दल राजपा र संघीय समाजबादी फोरमले संयुक्तरुपमा प्रदेश २ मा सरकार बनाएका छन । संघीय समाजबादी फोरम केन्द्रिय सरकारमा सामेल भैसकेको अवस्थामा प्रदेशको गठबन्धन बचाइराख्न राजपालाई प्रेसर परेको छ ।
राजपालाई केन्द्रिय सरकारमा सामेल नभएको अवस्थामा प्रदेशको सत्ता पनि गुमाउने स्थिति बन्ने डरले घर गरिरहेको राजनीतिक वृत्तमा टिप्पणी हुँदै आएको सन्दर्भमा राजपा सरकारमा सहभागी हुन् तत्पर देखिएको हो ।