पूर्व नेकपा माओबादी केन्द्रको बिद्यार्थी संगठन अखिल(क्रान्तिकारी) नेपाल ल क्याम्पस समितिको आज बसेको बैठकले प्रतिक कार्कीको अध्यक्षतामा ३५ सदस्यीय क्याम्पस समिति गठन गरेको छ । ३ नम्बर प्रेदेश इन्चार्ज पवन कार्कीको प्रमुख अतिथ्यतामा सम्पन्न बैठकमा तीन नम्बर प्रदेशका सह-संयोजक इन्द्र लामा तथा केन्द्रका प्रतिनिधिहरुको उपस्थिति रहेको थियो ।

बैठकले लामो समय आयोजक कमिटीको रुपमा रहेको कमिटीलाई पुर्णता दिएको हो । बैठकमा पार्टी एकीकरणपछि निर्माण भएको परिस्थिति र यसमा अब विद्यार्थी संगठनहरुको संरचना र एकता कस्तो हुने भन्ने विषयमा सामान्य छलफल पनि भएको थियो।

बैठकले प्रतिक कार्कीलाई अध्यक्षमा निर्वाचित गर्दै सम्झना तामाङ र उज्वल कार्कीलाई उपाध्यक्ष तथा बिष्णु ढुंगेललाइ सचिवमा निर्वाचित गर्‍यो । यसका साथै आशिष बल, मंगल शेन सार्की र सुप्रीया राई सह-सचीव पदमा निर्वाचित भए भने कृष्टिना श्रेष्ठ कोषाध्यक्ष पदमा निर्वाचित भएको बिद्यार्थी नेता बिराज थापाले बताए ।

३ नं प्रदेश इन्चार्ज पवन कार्कीले कानुनको क्षेत्रमा राम्रो योगदान पुर्याउन नब निर्वाचित टिमलाई शुभकामना दिएका थिए ।