नेपालवाल संवाददाताकाठमाडौं, ५ असार
काठमाडौं, ५ असारमधेश केन्द्रित दल राष्ट्रिय जनता पार्टी नेपालका प्रवक्ता कृष्णा सिंहले प्रदेश २ मा मधेशी मात्र प्रहरी हुनुपर्ने धारणा राखेका छन् । प्रदेश सरकारको एक घटक राजपाका प्रवक्ता सिंहले प्रदेश प्रहरीमा मधेशी समुदायका व्यक्तिलाई मात्र समावेश गर्नुपर्ने धारणा राखेका हुन् ।
उनले सोमबार सामाजिक सञ्जाल फेसबुक मार्फत उक्त धारणा सार्वजनिक गरेका हुन् । यद्यपी यो धारणा पार्टीको नभई आफ्नो व्यक्तिगत मात्र भएको उनको भनाइ छ ।
‘प्रदेश २ को प्रदेश प्रहरीमा सबै उत्पीडित समुदाय लाई समाबेश गर्नु पर्छ र यसो गर्दा मधेशी भनी सकेपछि सबै मधेशी समुदाय समाबेश हुनुपर्छ,’ प्रवक्ता सिंहले सामाजिक सञ्जालमा उल्लेख गरेका छन् ।
उनले धर्म वा जातिको नाममा मधेशलाई विभाजन नगर्न अनुरोध गर्दै प्रदेश सरकारले उत्पीडित तथा अल्पसंख्यकलाईसमेत ध्यान दिनुपर्ने सुझाव दिएका छन् ।