News Portal

  • पढाईमा सधै दोस्राे हुने देबकोटा मृत्युमा भने पहिलो भएपछि बाबुराम भट्टराइको यस्तो अनुभुती

    इभक्तपुर संवाददाताकाठमाडौं, ५ असार
    १११५ पटक
    काठमाडौं, ५ असार

    डा बाबुराम भट्टराई र डा उपेन्द्र देबकोटा दुवै एकै कक्षामा पढ्ने सहपाठी भएको र अब्बल बिद्यार्थी रहेकोले उनीहरुको सम्बन्धको बारेमा चर्चा भैरहन्थ्यो । पढाइमा सधै दोस्राे हुने देबकोटा मृत्युमा भने पहिलो हुनपुगे ।

    डा उपेन्द्र देबकोटा जीवित रहदासम्म कतिपयले उनीहरुलाई एक अर्काको प्रतिस्पर्धीकै रुपमा बुझ्ने गर्दथे । कतिपयले उपेन्द्रलाई ज्यान दिने र बाबुरामलाई ज्यान लिनेको रुपमा व्याख्या गर्दथे भने कतिपयले उपेन्द्र सधै सेकेण्डम्यान भैएको र बाबुरामलाइ कहिल्यै जित्न नसकेको अर्थमा लिन्थे । त्यतिमात्र होइन, उनीहरुको बिषयमा बजारीया अफवाहहरू समेत पर्याप्तै हुने गर्दथे ।

    सोमबार डा उपेन्द्र देबकोटाको देहान्त भएसंगै डा बाबुराम भट्टराईले देबकोटा एक वेजोड चिकित्सक मात्र नभएर एक गाैरवको साथी भएको र उनीसंगै विताएका दिनहरूको सम्झनाले आजीवन पछ्याइरहने भनेका छन् । देबकोटालाइ सपत्नी श्रद्धान्जली दिएर आएपछि उनले सामाजिक संजाल मार्फत आफ्नो यस्तो अनुभुती सार्वजनिक गरेका छन् ।

    अन्तिम विदाइ, प्रिय उपेन्द्र!

    आज अन्तिम पटक तिम्रो भौतिक शरीरसंग विदा लिंदा मेरा मनमष्तिष्कमा हामी दुवै जना १० देखि १८ वर्षको किशोरावस्थामा सहपाठी हुँदाका अत्यन्त भावमय अनुभूतिहरूको स्मरण गरिरहेछु! तिमी जस्तो मेधावी र बहुप्रतिभासम्पन्न सहपाठीसंगको प्रतिस्पर्धापूर्ण सहकार्य र सहयात्राले आफ्नो जीवनमा ठुलो योगदान पुर्याएकोमा गर्वको अनुभूति गर्दैछु! तिमीप्रति अन्तरहृदयैदेखि कृतज्ञता व्यक्त गर्दछु!

    हाम्रो सम्बन्धवारे थुप्रै सार्वजनिक जिज्ञासा र चासो ( केही भ्रम पनि!) रहे पनि त्यसले हामी दुवैको विकासमा र अन्तत: देश र समाजको उन्नतिमा सकारात्मक योगदान पुर्याएको मान्दछु। हाम्रो स्वस्थ प्रतिस्पर्धा एक अर्कालाई तल तान्ने भन्दा पनि एक अर्का भन्दा अघि बढ्ने वा माथि उठ्ने प्रकृतिको थियो र त्यसैले सबैलाई लाभ पुर्याएको थियो भन्ने ठान्दछु! यसवारे कसैले थप अनुमानको खेती नगरून् भन्ने पनि आग्रह गर्दछु!

    तिम्रो जीवन अत्यन्त सफल छ! तिमी अमर भएका छौ! एउटा मान्छेको छोटो जीवन कालखण्डमा समाज, देश र मानवजातिलाई गर्नुपर्ने र गर्नसक्ने काम तिमीले गरेकाछौ! तिम्रो सहपाठी र समकालीन सहयात्रीहरू सबै तिमी प्रति गौरवान्वित छौं,आभारी छौं, ऋणी छौं! तिम्रो जय होस्!!

    प्रतिकृया दिनुहोस्

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...

    सल्लाघारीमा जारी महोत्सवमा दैनिक हजारौको भीड, किनमेल र मनोरन्जन नै मुख्य आकर्षण

    सल्लाघारीस्थित १०८ रोपनी मैदानमा जारी ८ औं भक्तपुर औद्योगिक साँस्कृतिक पर्यटन तथा व्यापार महोत्सव धुमधामका...

    बागमती प्रदेशको महिला चालक उत्पादन कार्यक्रम भक्तपुरबाट शुरु

    बागमती प्रदेशमा महिला लक्षित रोजगार कार्यक्रम अन्तर्गत महिला सवारीचालक उत्पादन प्रक्रिया शुरु गरिएको छ ।...