सर्लाही, ८ असारसर्लाहीको उतरी क्षेत्रमा रहेको हरिवन नगरपालिका वडा नम्बर ९ ले सम्पन्न गरेको योजनाको सरोकारवालाले अनुगमन गरेका छ्न् ।
आर्थिक बर्ष २०७४/७५ मा बिनियोजित बजेटबाट वडा मा भएका बिकाश निर्माण लगायतको नगरप्रमुख गणेश प्रसाईं, उप प्रमुख रेनुका पौडेल, प्रमुख प्रसासकिय अधिकृत टिकाराम ढकाल, वडा अध्यक्ष सिताराम पोख्रेल, सन्चारकर्मी र स्थानीय अगुवा लगायतले योजनाको अनुगमन, निरीक्षण र मुल्यांकन गर्ने काम गरेका हुन् ।
कुल ८९ लाखको लागतमा उपभोक्ता समिति मार्फत गरिएका विभिन्न योजनाको अनुगमन गरिएको हो ।
अनुगमनका क्रममा योजना मध्ये पुर्बाधार बिकाश अन्तर्गत २० वटा मध्ये १९ योजना सम्पन्न भएको पाईएको छ । त्यस्तै पशु बिकाश अन्तर्गत का ९ वटै र सामाजिक बिकाश अन्तर्गत ८ वटा योजना सम्पन्न भएका छ्न । वातावरण तथा बिपत ब्यबस्थापन र संस्थागत बिकाश तथा सेवा प्रवाह बिकाश का अधिकांश योजना सम्पन्न भएको पाईएको अनुगमन टोलिका प्रमुख गणेश प्रसाईंले बताए ।
नगरपालिकाका ११ वडा मध्ये छिटो छरितो र स्तरीय ढंगले योजना सम्पन्न गर्नमा सफल पहिलो वडा भएको प्रती वडा अध्यक्ष ,उपभोक्ता समिति ,र वडाबासी धन्यबाद को पात्र भएको मेयर प्रसाईंको भनाई थियो ।
८९ लाखको बजेट सिलिङ्ग भित्र रहेर वडा को डुम्रीघारी ,दनवारी ,बिष्णुपुर ,नयाँरोड लगायतका स्थान मा नक्सा बमोजिम सडक बिस्तार बिधुतिकरण बिद्यालयको स्तरोन्नती, खानेपानी बितरण लगायतका कामहरु उत्कृष्ट रहेको पाईएको अनुगमन टोलिकी सदस्य एवम् नगरपालिकाकी उपमेयर रेनुका पौडेल ले बताईन । उनले वडा नम्बर ९ ले जस्तै नगरका सबै वडाले योजनाका काम चुस्त र दुरुस्त ढंगले समय मै सम्पन्न गरे मात्र आफूहरुले चुनाबका समयमा नागरिक समक्ष गरेको बाचा पुरा हुने पौडेलले प्रष्ट्याइन् ।
त्यसैगरी आफूले नगरपालिकाले दिएको मापदण्ड र परिधि भित्रै रहेर योजनाको काम सम्पन्न गरेको दावी गर्दै वडा अध्यक्ष सिताराम पोख्रेलले वडाको धनलाइ नि स्वार्थ मनले परिचालनमा सहयोग पुर्याई समयमै योजना सम्पन्न गर्न साथ् दिएकोमा सम्पूर्ण वडावासी जनसमुदायप्रति आभार समेत प्रकट गरेका थिए ।