नेपालवाल संवाददाताकाठमाडौं, ११ असार
काठमाडौं, ११ असारनेपाल नर्सिङ परिषदले लिएकोे परीक्षामा आधा भन्दा बढी परीक्षार्थी अनुतीर्ण भएका छन । एकेडेमिक प्रमाणपत्र भएका नर्सहरुको नाम दर्ता प्रमाणपत्र (लाइसेन्स) परीक्षामा करिब ५० प्रतिशतभन्दा बढी नर्स अनुतीर्ण भएका हुन् ।
नेपाल नर्सिङ परिषदले एकेडेमिक प्रमाणपत्र भएका नर्सहरुको नाम दर्ता प्रमाणपत्र (लाइसेन्स) को लागि शनिवार परीक्षा लिएको थियो ।
१ हजार ८ सय ११ नर्सले लाइसेन्सको लागि परीक्षा दिएका थिए । त्यसमध्ये ८ सय ५५ परीक्षार्थी मात्र पास भएका छन् ।
पढाइ पुरा भएर पनि लाइसेन्स लिन नसक्दा नर्सहरु बेरोजगार बन्ने क्रम बढिरहेको छ । बर्षौसम्म लाइसेन्स लिन नसक्दा नर्सहरु निरास बन्दै गएका छन् ।