गृहमन्त्री रामबहादुर थापा बादलले नाइँ मलाइ त्यही केटि चाहिन्छ नभन्न अनुरोध गरेका छन् । उनले माइतीघरमै प्रदर्शन गर्न पाउनुपर्छ भन्ने कुरा ‘मलाई त्यही केटी चाहिन्छ भने जस्तो’ भएको भनेका हुन् ।

गृहमन्त्री थापाले बिहीवार मन्त्रालयमा पत्रकार सम्मेलन गरेरै माइतीघर लगायतका क्षेत्रलाई निषेधित क्षेत्र घोषणा गरिएको निर्णयको बचाव गर्दै उक्त कुरा बताएका हुन् ।

सरकारले माइतीघर मन्डला, भद्रकाली, बानेश्वर लगायतका क्षेत्रलाई निषेधित क्षेत्र घोषणा गरेपछि बरिष्ठ चिकित्सक गोविन्द केसीले त्यसलाई चुनौति दिंदै निषेधित ठाउँबाटै अनशन थाल्ने बताएका छन् । उक्त क्षेत्रलाई बिबेकशील साझाले समेत प्रदर्शन स्थल बनाउदै आएको छ । उनीहरुले उक्त क्षेत्रमा निषेध गर्ने सरकारी कदम अधिनायकबादी भएको बताउदै आएका छन् ।

गृहमन्त्रीले थापाले भने सरकार अधिनायकबादी नभएको जिकिर गर्दै भिडभाड हुने क्षेत्रमा दुर्घटना हुनसक्ने र पर्यटकमा समेत नकारात्मक प्रभाव पर्नसक्ने भएकोले निषेधित क्षेत्र घोषणा गरिएको दावी गरेका छन् ।