बेरोजगार नेपालीहरुको बैदेशिक रोजगारको गन्तब्य बनेको दक्षिण कोरिया जाने ढोकाको रुपमा रहेको भाषा परीक्षाको परीक्षाफल प्रकाशन भएको छ । सन् २०१९ का लागि लिइएको रोजगार अनुमति प्रणाली (इपिएस) भाषा परीक्षाको परीक्षाफल प्रकाशित गरिएको हो ।

उक्त परीक्षा गत जेठ २६ र २७ गते लिइएको थियो । भाषा परीक्षामा ७४ हजार ८ सय ६२ परीक्षार्थी सहभागी थिए ।

भाषा परीक्षाको परीक्षाफलमा ७ हजार ९सय ९६ परीक्षार्थी उत्तीर्ण भएका छन् । यस वर्ष दक्षिण कोरियाले ७ हजार १ सय नेपाली कामदारको माग गरेकाे छ ।