शिक्षामा व्यापारीकरण र माफियाकरण भएको भन्दै आन्दोलनरत नाै विद्यार्थी संगठनले आन्दोलन रोकेका छन् । सोमवार नाै विद्यार्थी संगठनसहित सरोकारवाला र शिक्षा मन्त्रालय बीच भएको बार्तापछि आन्दोलन फिर्ताको सहमती बनेसँगै आन्दोलन रोकिएको हो ।

सडकमै कक्षा सञ्चालन गरेर आन्दोलनमा उत्रेको नाै विद्यार्थी संगठनले ३ दिने शैक्षिक आम हड्तालको समेत घोषणा गरेका थिए । जिल्ला प्रशाशन कार्यालय काठमाडौंले बिज्ञप्ती नै जारी गरेर घोषित आम हड्ताल नरोके कडा कारवाही गर्ने चेतावनी दिएको थियो ।

निजी विद्यालयहरुले नियम बिपरित बढाएको शुल्क फिर्ता वा समायोजन गर्ने लगायतका बिषयमा सहमती बनेसंगै आन्दोलन फिर्ता गरिएको राजपा विद्यार्थी संगठनका अध्यक्ष मनिष मिश्रले बताए । सोमबार ९ बुंदे सहमती पत्रमा हस्ताक्षर भएसंगै आन्दोलन रोकिएको उनले बताए ।

नाै विद्यार्थी संगठनका अध्यक्षहरुद्वारा हस्ताक्षरीत सहमती पत्रमा प्याब्सन, एन प्याब्सनका अध्यक्षहरुले पनि सहमती जनाएका छन् । शिक्षा मन्त्रालयका तर्फबाट सहसचिव सूर्य गौतम र शिक्षा विभागका महानिर्देशक बाबुराम पौडेल बार्तामा सहभागी भएका थिए ।सिंहदरवारस्थित शिक्षा, बिज्ञान तथा प्रविधि मन्त्रालयको सभाहलमा बेलुकी ४ : ३० देखि शुरु भएको बार्ता ११ : ३० सम्म चलेको थियो ।

सच्याइएको : नाै विद्यार्थी संगठन हुनुपर्नेमा अन्यथा भएकोले सच्याइएको छ ।-सम्पादक

हेर्नुस् सहमती पत्र