News Portal

  • साढे आठ सय भारतीय पर्यटक हुम्लामा रोकिए : शव समेत सदरमुकाम ल्याउन सकिएन

    राजन रावतहुम्ला, १९ असार
    १३४२ पटक
    हुम्ला, १९ असार

    मानसरोवर कैलाशको धार्मिक यात्रा गरि फर्केका साढे आठ सय भन्दा बढि भारतीय पर्यटकहरु सिमकोट र हिल्सामै रोकिएका छन् । सिमकोटमा आइतबारदेखि हवाई यातायात बन्द हुँदा पर्यटकहरु हुम्लामा रोकिएका हुन् ।

    लगातारको बर्षा पछि नेपालगंजबाट सिमकोटका लागि हवाई उडान हुन नसक्दा सिमकोटमा ५ सय ६५ जना र हिल्सामा ३ सय भन्दा बढि मानसरोवर कैलाशको धार्मिक यात्रा गरि फर्कने भारतीय यात्रुहरु रोकिएका छन् । हाल नेपालगंज जानका लागि सिमकोट आई पुगेका तीन सय भारतीय पर्यटकको टिकट सीता एयर, एक सय ४५ जना भारतीय यात्रुहरुको टिकट बुकिङ भएको समिट एयर र तारा एयरमा एक सय २० जना भारतीयको टिकट बुकिङ भएको छ ।

    पानी परि रहेको भए पनि यात्रुहरु सिमकोट बिमानस्थलमा कुरि रहेको अबस्था रहेको छन् । सीताका दुई वटा, समिटका तीन र ताराको एक वटा जहाजले सिमकोट बिमानस्थमा उडान भर्ने गरेको भए पनि दुई दिनयता कुनै जहाजहरुले उडान भर्न नसकेको सिमकोट बिमानस्थलले जनाएको छ ।
    जिल्लाको एक मात्र हवाई यातायात सुचारु नहुँदा सिमकोटका होटेलहरु भारतीय पर्यटकहरुले भरि भराउ भएका छन् । ७९ जना भारतीय रहेको मानसरोवर होटेलका संचालक चिन वहादुर रावतले पर्यटकहरुको ब्यबस्थापन गर्न कठिन भएको उताए । सोमवारसम्म जेनतेन चले पनि अब भने समस्या आउने उनी बताउछन् ।

    धेरै दैनिक उपभोग्य सामान नेपालगंजबाटै ल्याउन पर्ने भएको कारण हवाई यातायात दुई दिन देखि सुचारु नहुँदा सामानको पनि अभाब हुन थालेको उनको भनाइ छ । अर्को ३३ जना पर्यटकलाई राखि रहेको सनभ्याली रिसोर्ट पनि अब समस्या आउने जनाइएको छ । हाल सिमकोटमा १४ वटा पर्यटकीय होटेलहरु भएको र त्यतिले पर्यटकहरुलाई बास बस्न नपुगेर अन्य साना होटेलहरुमा पनि बस्न थालेका छन् ।

    यसैबिच सिमकोट देखि हिल्सा सम्म कुनै हेलिकोप्टर संचालनमा आउन नसक्दा तीन सय भन्दा बढि भारतीय हिल्सामा रोकिएका छन् । हिल्सामा पनि भारतीयलाई ब्यबस्थापन गर्न कठिन भएको छ । हेलिकोप्टर पनि संचालनमा नआउदा मानसरोवर कैलाशको धार्मिक यात्रा गर्ने क्रममा मृत्यु भएका भारतीय पर्यटकको शव समेत हिल्सा मै रोकिएको छ ।

    काठमाडौं हुँदै केरुङ्ग नाकावाट मानसरोवर कैलाश यात्रामा गएको भारत महाराष्ट्रका मिनिता सन्जय खेडकेरको मृत्यु आईतवार भएको प्रहरीले जनाएको छ । अन्य दिनमा हेलिकोप्टरहरुले सिमकोटबाट हिल्सा ७० देखि ८० उडान भर्ने गरेको सिमकोट बिमान स्थलले जनाएको छ ।

    सोमवार बिहान थप एक जना भारतीय नागरिकको मृत्यु भएको खबर प्राप्त भएको छ । ५६ वर्षिया भारत केराला मालापुरणकी लिला महेन्द्र नारायणको निधन भएको हो । सिमकोटको होटेल गेट वेमा खाजा खाए संगै पानी पिएर कोठामा गएपछि ओछ्यानमा पल्टिदा सुतेको सुत्यै भएको जानकारी प्राप्त भएको छ । अस्तपालमा लैजादा निजको मृत्यु भएको अस्पतालले घोषणा गरेको जानकारी प्राप्त भएको छ ।

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...