आइतबार र सोमबार दुई दिन परेको अबिरल वर्षा संगै आएको बाढीले सर्लाहीमा दुई जनाको ज्यान गएको छ भने एक बेपता भएका छ्न ।
ज्यान जानेमा हरिवन -३ डाबरीका ४५ वर्षिय धन बहादुर लोप्चन र हरिवन -९ का ७१ वर्षिय बृद्ध टेक बहादुर बिक रहेको सर्लाही प्रहरीले जनाएको छ ।

त्यस्तै सोमबार नै कबिलाशीका ७० बर्षिय बलदेब महतो आफ्नो खेत हेर्न बरहथवा- १ गंगापुर गएका मंगलबार साझ सम्म पनि घर नफर्किए पछि लखन्देही खोलाले बगाएर बेपता पारेको हुन सक्ने आसंका गरिएको इलाका प्रहरी कार्यालय हरिपुरका प्रहरी निरीक्षक अबधकिशोर ओझाले बताए ।

सोमबार लालबन्दी बजार गएका लोप्चन साथीहरु संगै घर फर्कने क्रममा साबिक नेत्रगन्ज -९ पलार बाट लखन्देही खोलाले बगाएको र उनको सब नेत्रगन्ज- ८ मा फेला पारिएको इलाका प्रहरी कार्यालय नवलपुरले जनाएको छ । त्यस्तै पानी परिरहेको अबस्थामा सोमबार घरबाट निस्केका टेक बाहादुर बिक लाई हरिवन खोला ले बिष्णु पुरबाट बगाएकोमा प्रहरीले मंगलबार हरिवन खोलाको पुल देखि १ किमि दक्षिण डुम्रीघारी मा तैरी रहेको अबस्थामा फेला पारेको इलाका प्रहरी कार्यालय हरिवनका प्रहरी निरीक्षक रामकाजी थापा ले बताए ।

खोलाले बगाएर ज्यान गएका बिक र लोप्चन को सब पोस्ट्मार्टम पश्चात् आफन्त लाई जिम्मा लगाई सकिएको र कबिलाशीका हराई रहेका महतो को खोजी कार्य जारी राखिएको जिल्ला प्रहरी कार्यालयका प्रमुख एवम प्रहरी उपरीक्षक पोषराज पोखरेलले बताए । त्यस्तै वर्षा का कारण गोडैतामा डुवानमा परि ४ वटा फुसका घर पूर्णरुपमा नस्ट भै क्षति पुगेको प्रहरी उपरीक्षक पोखरेलले जानकारी दिए ।