हुम्ला, २० असारबिष्फोटक पदार्थले पनि कहिलेकाही खुशी ल्याउदोरहेछ । जिल्लामा बिष्फोटक पदार्थ भित्रिएपछि हुम्लावासी खुशी भएका छन् ।
सिमकोट हिल्सा सडक निर्माणका लागि आबश्यक बिष्फोटक पदार्थ सिमकोट आई पुग्दा हुम्लाबासीले खुसी ब्यक्त गरे । बिष्फोटक पदार्थकै अभाबमा चार सय मिटर चट्टानमा डेढ बर्ष देखि बाटो बनाउने कार्य रोकिदा गाडी चढ्ने सपना पुरा नहोला कि भनेर निरास भएका बेला बिष्फोटक पदार्थ आई पुगेपछि उनीहरु खुशी भएका हुन् ।
बिहीबार सुुर्खेतबाट तीन हजार केजी विष्फोटक पदार्थ र दुुई बजार केजी अन्य आबश्यक सामान नेपाली सेनाको हेलिकोप्टरमा ढुवानी भएर आएका नयाँ भैरबी दल गुल्म रानीवनका क्याप्टेन काजी बोहोराले बताए । अब बिष्फोट पदार्थ जिल्लामा आएकोले सिमकोट हिल्साको रोकिएको कामले चाँडेै गति लिने उनको भनाइ छ ।
निक्कै लामो प्रयास पछि जिल्लामा यतिधेरै बिष्फोटक पदार्थ भित्रिएको प्रमुख जिल्ला अधिकारी माधब प्रसाद ढुगानाले बताउछन । यो जिल्ला कै लागि खुसीको कुरा भएको उनले बताए । अब सिमकोट हिल्सा खण्डको च्याछरामा चट्टानको कारण रोकिएको निर्माण कार्य तत्काल सुुरु गराउन लाग्ने प्रजिअ ढुगानाले जानकारी गराए ।
समयमा बिष्फोटक पदार्थ भएको भए आजसम्म हुम्लावासीको गाडी चढ्ने सफना पुरा भै सकेको हुन्थ्यो तर ढिलै भए पनि अब भने त्यो सपना पुरा हुने भएको छ । सिमकोट हिल्सा खण्डको ९५ किलो मिटरमा च्याछराको चार सय मिटर चट्टान र हेक्पा खोला च्याछराको तीन किलो मिटर सडक खन्न मात्र बाँकी रहेको छ ।