राजन रावत, हुम्ला । हुम्ला जिल्लाको सिमकोट गाँउपालिकाको वडा नम्बर तीनमा अवस्थित बरगाँउ नमूना गाँउ घोषित भएको छ । गाँउमा जनताले आधारभुत सुबिधा पाए पछि बरगाँउ गाँउ नमूना गाँउ घोषित भएको हो ।

बरगाँउमा बहुपति प्रथा न्यूनिकरण, छाउपढी मुक्त र जातिय भेदभाब हटेपछि गाँउलाई नमूना गाँउ घोषित गरिएको सिमकोट गाँउपालिका वडा नम्बर तीनका अध्यक्ष ताक्ला जिग्मेत लामाले बताएका छन । घोषित कार्यक्रमलाई दिगोपना दिन अबसर र चुनौती दुबै रहेको उनको बुझाइ छ ।

बरगाँउ हुम्ला जिल्ला कै नमूना गाँउ घोषित हुनेमा पहिलो गाँउ भएको छ । दलित र लामा साुदायको बसोबास रहेको बरगाँउमा लैगिंक बिभेद निक्कै कम भए पनि त्यसको समेत पछिल्लो समयमा अन्त्य भएको महिला संजालका अध्यक्ष इन्कित लामाले जानकारी गराएका छन । अब घोषित कार्यक्रमलाई इमान्दारीताका साथ कार्यान्वयन गर्नुपर्नेमा उनलेजोड दिए ।

सबै नकारात्मक कामहरु छोड्दै गएकोले बरगाँउलाई नमूना गाँउ घोषणा गर्न संभब भएको सिमकोट गाँउपालिकाका अध्यक्ष पदम बहादुर लामाले बताए । नयाँ संरचना अनुसार देश अगाडी बढि रहेको अबस्थामा सिमकोट गााउपालिकालाई पनि नयाँ नयाँ काम गरेर अगाडी बढाउने उनले प्रतिबद्धता प्रकट गरे । कुरिती बिरुद्ध बिभिन्न साँस्कृतिक झाँकीहरु प्रस्तुती समेत गरिएको कार्यक्रममा त्यो संगै बरगाँउका घरघरमा खानेपानीका धारा निर्माण, पुर्ण खोप सुनिश्चित भएको, खुला दिसामुक्त गाँउ घोषित, बालमैत्री स्थानीय शासन युक्त जस्ता कुरा यस अघि नै घोषित भएकोले पनि बरगाँउलाई नमूना गाँउ घोषित गरिएको वडा सचिब धर्मराज रोकायाले जनाए ।

कार्यक्रममा जिल्ला समन्वय समिति प्रमुख रावत, अदानचुलीका गाँउपालिकाका अध्यक्ष धनलाल चौलागाई, सिमकोट गाँउपालिकाका उपाध्यक्ष वलि रावत लगाएतको उपस्थिती रहेको थियो ।