News Portal

  • नेपाली कांग्रेसको विरोधपछि सोमबारको संसद बैठक अवरुद्ध

    नेपालवाल संवाददाताकाठमाडौं, ३२ असार
    ४९२ पटक
    काठमाडौं, ३२ असार

    प्रतिपक्षी दल नेपाली कांग्रेसको विरोधका कारण सोमबारको प्रतिनिधिसभा बैठक अवरुद्ध भएको छ। अनसनरत डाक्टर गोविन्द केसीको माग र उनको स्वास्थ्यप्रति सरकार गैरजिम्मेवार भएको भन्दै कांग्रेसले बैठक अवरुद्ध गरेको हो।

    चिकित्सा शिक्षा क्षेत्रमा देखिएका विभिन्न समस्या सम्बोधन गर्नुपर्नेमा थप विसंगति निम्त्याउने र माफियाको चलखेल सहज हुने गरी सरकारले चिकित्सा शिक्षा विधेयक पेस गरेको दाबी कांग्रेसले गरेको छ।

    सभामुख कृष्णबहादुर महराले सोमबारको बैठक सुरु भएको जानकारी गराउनेबित्तिकै कांग्रेस सांसदहरूले उठेर विरोध गरेका थिए।

    लगत्तै सभामुखबाट समय लिएर बोलेका सांसद मिनबहादुर विश्वकर्माले सरकार समस्या समाधानमा भन्दा समस्या बल्झाउने नियतमा उद्धत भएको भन्दै आपत्ति जनाए।

    संसदमा प्रतिपक्षीले उठाएका आवाज सम्बोधन गर्नुको सट्टा सरकारले संसदलाई नै मजाक बनाउँदै अभिव्यक्ति दिएको उनको आरोप थियो।

    ‘हामीले अनसनरत डा केसीको माग सम्बोधन गरी उहाँको जीवन रक्षाका लागि पटक/पटक आवाज उठाउँदा पनि सरकार गम्भीर देखिएन। यस घटनालाई मुलुकभित्र र विश्वमा नै चासोका साथ हेरिएको भए पनि सरकारले बेवास्ता गर्यो। तसर्थ उहाँका माग सम्बोधन नभएसम्म संसद चल्न दिदैनौं।’

    उनले थपे, ‘यो विषयमा सरकार गैरजिम्मेवार छ। जवाफदेहिता बिर्सेर एक ढंगबाट तानाशाही र सर्वसत्तावादी शैलीबाट सरकार अघि बढेकाले यस्तो स्थितिमा प्रमुख प्रतिपक्षीको दृष्टिबाट संसद अघि नबढ्ने जानकारी गराउँछु।’

    सभामुख महराले भने नियमित प्रक्रियाबाट विधेयक अघि बढेको बताए। सभामुखको पटक पटकको अनुरोधका बाबजुद कांग्रेस सांसदहरू यथास्थानमा उभिइरहेपछि बैठक आधा घण्टाका लागि स्थगित गरिएको हो। बैठक साउन ३ गतेसम्मका लागि स्थगित भएको छ ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...