ठगको फेला परेपछि बेहुली बिना नै बेहुला फर्कनुपरेको छ । सोमवार एक बस जन्ती लिएर बिहे गर्न पुगेका बेहुला रित्तो हात फर्कनुपरेको हो ।

बिहेका लागि केटीलाई गहना लैजाने भनी गहना लिएर भाग्ने उद्देश्य बनाएका ठग लमीको फेला पर्दा दमौलीस्थित दुर्गा मन्दिर बाट रित्तै फर्कनु परेको बताइएको छ ।

तनहुँको शुक्लागण्डकी नगरपालिकाको खैरेनीटार माइती भई दैलेखको नारायण नगरपालिका घर भएकी लक्ष्मीसिंह थापा र उनका श्रीमान् जगतबहादु्र थापाको मिलेमतोमा ठग्ने नियतले हुदै नभएकी बेहुली छ भनेर बिहे गर्न बोलाएपछि स्थानीय एक युवक एक बस जन्ती लिएर बिहेको लागि पुगेका थिए ।

बिबाह गर्ने मन्दिरमा बेहुलीलाइ नदेखेपछि लमीद्वय थापा दम्पतीलाई सोध्दा गहना देखाएपछि मात्र बेहुली आउने भनेपछि शंका लागेको र प्रहरीलाई खबर गरिएको थियो ।

जिल्ला प्रहरी कार्यालयले घटनाको पुष्टि गरेको छ । ठगीको आरोपमा थापा दम्पतीलाई पक्राउ गरिएको र थप अनुसन्धान कार्य अघि बढाइएको जिप्रकाले जानकारी गरायो ।