द्धन्द्ध पिडितका लागि राहात बितरण कार्य सम्पन्न भएको छ । सरकारले १० वर्षे सशस्त्र युद्धको समयमा अपहरणमा परेका तथा विस्थापित भएका पीडितका लागि क्षतीपूर्ति स्वरुप रकम जिल्ला प्रशासन कार्यालय हुम्ला मार्फत बितरण गरेको हो ।
यो पटक पुनः गृह मन्त्रालयले क्षतिपूर्ति रकम जिल्ला पठाए पछि बिगतका बर्षहरुमा छुटेका पीडित व्यक्तिलाई रहात वितरण गरिएको प्रमुख जिल्ला अधिकारी मादव प्रसाद ढुङ्गानाले बताए । यस आर्थिक वर्षमा ३३ लाख रुपियाँ राहत बितरणका लागि जिल्लामा आएको उनको भनाइ छ ।

कार्य दलको सूची परेका द्धन्द्ध पिडिको बिबरण अनुसार हुम्लामा विस्थापितको संख्या ५३ घरदुरीका १ सय ३२ जना सदस्यहरुले पाएको जिल्ला प्रशासन कार्यालयले जनाएको छ । यो रकम सबै पिडित ब्यक्तिको बैंक खातामा जम्मा गरिएको जिल्ला प्रशासन कार्यालयले जनाएको छ । हुम्लामा अझै केही द्धन्द पिडित छुटेको पिडित पक्षको गुनासो रहेको छ । गत आर्थिक वर्ष असार अन्तिममा रकम प्राप्त हुँदा प्रभावित सबैलाई वितरण गर्न अपुग भएपछि बाँकी पीडितलाई यस पटक पून आएको हो ।
शान्ति तथा पुनर्निर्माण मन्त्रालय अन्तर्गतको ‘द्वन्द्व प्रभावित व्यक्ति, परिवार तथा संरचनाको लगत संकलन कार्यदल (२०७४’ ले सिफारिस गरे अनुसार ३० दिन भन्दा बढी समय अपहरणमा परेका र द्वन्द्वको क्रममा पीडित भएर विस्थापित हुन बाध्य भएका व्यक्तिका लागि एक जनाको २५ हजारको दरले राहत बितरण गर्ने कानूुनी ब्यबस्था रहेको छ ।