एक्काइस दिनदेखि आमरण अनसनमा रहेका डा गोविन्द केसीको मागमा नेकपाका अध्यक्ष पुष्पकमल दाहाल ‘प्रचण्ड’को समर्थन रहेको भन्ने समाचार भ्रामक देखिएको छ । विभिन्न सञ्चारमाध्यममा आएको उक्त समाचारमा कुनै सत्यता नभएको उनकाे सचिवालयले प्रष्ट पारेको छ ।

अध्यक्ष दाहालका प्रेस संयोजक विष्णु सापकोटा जुगलद्वारा जारी प्रेस विज्ञप्तिमा ‘डा केसीको माग जायज ः प्रचण्ड’ शीर्षकको समाचारप्रति गम्भीर ध्यानाकर्षण भएको बताइएको छ ।
आफ्नो हवाला दिदै भ्रामक समाचार प्रकाशन गरिएको दावी गर्दै बिज्ञप्तीमा आफूले कसैसंग यस्तो कुरा नबताएको जुगलले जिकिर गरेका छन ।

“डा केसीका मागप्रति प्रधानमन्त्री र अध्यक्ष दाहालबीच समान धारणा रहेको छ ।”विज्ञप्तिमा भनिएको छ ।

अध्यक्ष दाहाल संलग्न नभएको विषयमा नाम जोडेर समाचार प्रकाशित गरिएकामा विज्ञप्तिमा खेद प्रकट गरिएको छ ।

हेर्नुस् विज्ञप्ती