काठमाडौँ, ६ साउननेपाली कांग्रेसका बरिष्ठ नेता रामचन्द्र पौडेलले सरकारप्रति कडा आरोप लगाएका छन छन् । उनले बर्तमान सरकार कम्युनिष्टले नभएर माफियाले चलाएको आरोप लगाएका हुन् ।
नेपाल महिला संघ काठमाडौंले ३६ औं बिपी स्मृति दिवसका अवसर पारेर आइतबार आयोजना गरेको कार्यक्रममा पौडेलले यस्तो आरोप लगाएका हुन् ।
नेपालका कम्युनिष्टहरुले नेपालमा कम्युनिजम ल्याउने भन्दा पनि माफियाराज ल्याउने दिशामा लागेको उनको दावी छ । ”अहिले देश माफियाले चलाइरहेको छ । लाल झण्डा ओढेपछि सवै खत माफ हुने अवस्था आएको छ । यसरी कम्युनिष्टहरुले नयाँ शोषक वर्ग जन्माउदैछन् ।” उनले भने ।
”मैले मुलुक चलाउने मौका पाइन् । राम्रोसंग चलाउन सक्छु जस्तो लागेको थियो ।” भावुक हुदै उनले भने ।
वरिष्ठ नेता पौडेलले महिला संघको उक्त कार्यक्रम रोक्न धेरै कोशिस भएकोसमेत खुलासा गरे । पार्टी नेतृत्वका कारण पार्टी कमजोर भएको भन्दै उनले महिला नेतृहरुलाई समेत महिलाको मात्र नभई मुलुककै नेता बन्न सुझाव दिएका थिए ।
