ललितपुर, १४ साउनशिक्षा पत्रकारद्वय रोशन क्षेत्री गाउँले र विनोद घिमिरेलाई यस वर्षको राष्ट्रिय शिक्षा पत्रकारिता पुरस्कार प्रदान गरिने भएको छ । बिगत १४ वर्षदेखि प्रदान गरिदै आएको उक्त पुरस्कार यस पटक गाउले र घिमिरेलाई प्रदान गरिने भएको हो ।
सोमबार आयोजित पत्रकार सम्मेलनमा आयोजक ‘आजको आवाज मिडिया’ले आजको शिक्षा साप्ताहिकका रोशन क्षेत्री गाउँले र दी काठमाडौ पोस्टका बिनोद घिमिरेलाई राष्ट्रिय शिक्षा पत्रकारिता पुरस्कार प्रदान गरिने घोषणा गरेको हो । नगद रु. १० हजार राशीको राष्ट्रिय शिक्षा पत्रकारिता पुरस्कारसहित १३ विधामा १५ शिक्षा पुरस्कार दिइने आयोजकले जानकारी दिएको छ ।
चौधरी ग्रुपकाे तर्फबाट सामुदायिक विद्यालयका उत्कृष्ट विद्यार्थीका लागि रु. २५ हजार नगद राशीको ज्ञान उदय छात्रवृत्ति पुरस्कार पनि प्रदान गरिने पत्रकार सम्मेलनमा जानकारी दिइयो ।
साउन २८ गते कमल पोखरीस्थित रसियन कल्चर सेन्टरमा पुरस्कार वितरण कार्यक्रम हुने आयोजक संस्थाका अध्यक्ष श्याम तण्डुकारले जनाए ।