काठमाडौं, १६ साउननेपाल कम्युनिस्ट पार्टी (ने क पा)का सचिवालय सदस्यसमेत रहेका पार्टी प्रवक्ता नारायणकाजी श्रेष्ठ प्रकाशले प्रवक्ता पदबाट राजीनामा दिएका छन् ।
बैचारिक र सैद्धान्तिक एकता बिना नै पार्टी एकतामा हाम्फालेका एकताका एक सुत्रधार श्रेष्ठ नेतृत्वको अपमानका कारण राजीनामा दिन बाध्य बनेका हुन् । पार्टी र सरकारलाई अप्ठ्यारो पार्नेगरि काम गरेको र फेसबुकमा अभिव्यक्ति सार्वजनिक गरेको आरोप उनीमाथि लागेको छ ।
अध्यक्षद्वय केपी शर्मा ओली र पुष्पकमल दाहाल प्रचण्डले नै प्रवक्ताको काम गराइमा असन्तुष्टि प्रकट गर्दै मौखिक स्पस्टिकरण मागेपछि उनले राजीनामा दिएको बताइएको छ । पार्टीको सचिवालय बैठकमा प्रवक्ता श्रेष्ठले सरकार बिरुद्ध आन्दोलन गरिरहेको अवस्थामा डा गोविन्द केसीलाई भेटेर समर्थन जनाएको र पार्टीको निर्णय अगावै कानुन मन्त्रीलाइ कारवाही गर्नुपर्ने अभिव्यक्ति सार्वजनिक गरिएको लगायतका बिषयमा बिरोध भएपछि प्रधानमन्त्रीसमेत रहेका पार्टी अध्यक्ष ओलीले स्पस्टिकरण सोधेका थिए ।
अर्का पार्टी अध्यक्ष प्रचण्डले समेत श्रेष्ठको पक्ष नलिएपछि अप्ठ्यारो मानेका उनले शनिवारको बैठकमा अध्यक्षद्वय प्रचण्ड र ओलीलाइ सम्बोधन गरेर राजीनामा बुझाएका हुन् । उनको राजीनामा स्वीकृत हुन भने बाँकी नै रहेको बताइएको छ ।