सर्लाही, १६ साउनजिल्ला ट्राफिक प्रहरी कार्यालय सर्लाहीले आर्थिक वर्ष २०७४ /०७५ मा झण्डै दुई करोड राजस्व संकलन गरेको छ ।
पूर्व पश्चिम लोकमार्गका साथै जिल्लाका अन्य हुलाकी मार्गहरुमा समेत नियम विपरीत चलाइएका साना ठुला २९ हजार ५ सय १ सवारी साधनलाई कार्वाही गरी ट्राफिक प्रहरीले एक बर्षको अबधीमा १ करोड ९३ लाख १५ हजार ५ सय राजस्व संकलन गरेको हो ।
गत आर्थिक वर्ष २०७४/७५ को साउन देखि असार मसान्तमा सवै भन्दा धेरै मालवाहक ट्रक १० हजार ४ सय ३१ लाई कार्वाही गरिएको थियो । त्यस्तै मोटरसाईकल १० हजार २ सय १३, जीप ४ हजार ७ सय दुई, ट्याक्टर १ हजार ८ सय २६, वस १ हजार ८ सय ६ र अन्य ५ सय २३ नियम विपरीत चलाईएका सवारी साधानलाई कार्वाही गरिएको जिल्ला ट्राफिक प्रहरी प्रमुख प्रहरी निरीक्षक राजकुमार राईले जानकारी दिए । उनका अनुसार आर्थिक वर्ष ०७३/७४ मा भन्दा ०७४/७५ मा सर्लाहीमा राजस्व संकलन ४६ लाख ३ हजार ५ सयले कमी हो ।
ट्राफिक प्रहरीले चलाएको विभिन्न ट्राफिक नियम सम्बन्धी चेतनामूलक अभियान प्रभावकारी भएको, भार वहन क्षमतामा कमी आएको, सवारी चालकले निमयसंगत सवारी चलाउन थालेको कारण पहिले भन्दा अहिले कम सवारी साधन कार्वाहीमा परेको र त्यसले राजस्वमा समेत प्रभाव परेको प्रहरी निरीक्षक राईले बताए ।