नेपालवाल संवाददातासोलुखुम्बु, १९ साउन
सोलुखुम्बु, १९ साउनसोलुखुम्बुको गोक्यो हिमतालमा डुबेर जिल्लाका ३ विद्यार्थी बेपत्ता भएका छन् । खुम्जुुङको–खुम्जुुङ माविबाट शैक्षिक भ्रमणमा गएका कक्षा ९ मा अध्ययनरत तीन विद्यार्थी शनिबार बिहान हिमतालमा डुुबेर बेपत्ता भएका हुन् ।
बेपत्ता भएकाहरुमा खुम्बु पासाङल्हामु गाउँपालिका- ४ का पेम्बा दोर्जे शेर्पा र तेम्बा नुरु शेर्पा तथा वडा नम्बर १ का सुनिल बराईली भएको प्रहरीले पुष्टि गरेको छ । उक्त हिमतालमा नुहाउन पसेका उनीहरु बेपता भएका बताइएको छ ।
बेपत्ता विद्यार्थीको खोजी र उद्धार गर्न हेलिकोप्टर सहित प्रहरी परिचालन गरिएको प्रहरी नायव उपरीक्षक रेशम पराजुलीले जानकारी गराए ।