सर्लाही, २२ साउनसर्लाहीको घुर्कौली नजिक बागमती सिचाइ आयोजनाको नहरको डिलमा लगाईएको सिसौ तथा मसला जातको रुख अवैधानिक कटान गरी चोरी तस्करी भएको छ ।
गढैया शाखा अन्तर्गत चारलीक नहरमा रहेको मसला जातको रुख कटान गरी तस्करी भएको स्थानीयले जानकारी दिएका छन् ।
यस अघि पनि सिचाइ आयोजनाको नहरको रुख पटकपटक कटानको प्रयास भएपनि रोकिदै आएको थियोे तर यस पटक भने समवन्धित निकाय मौन रहेकोले कटानको काम भैरहेको स्थानीयको आरोप छ ।
बागमती सिचाइ आयोजनाको नहरको रुख कटान भएको जानकारी केही दिन अघि मात्र आएकोले त्यसबारे अनुसन्धान भैइरहेको सर्लाहीका प्रमुख जिल्ला अधिकारी द्रोण पोखरेलले बताइरहदा रुख कटानबारे आफूहरुलाई कुनै जानकारी नै नभएको जिल्ला वन कार्यालय तथा बागमती सिचाई आयोजनाले जिकिर गरेका छन् ।
स्थानीय निकायमा अधिकार समेत प्रत्यायोजन भैसक्दा पनि जनप्रतिनिधिहरुले रुखको कटानी र चोरी तस्करी रोक्न नसक्नु दुखद भएको मानिसहरुको भनाइ रहेको छ ।