नेपालवाल संवाददातावीरगञ्ज, ३१ साउन
वीरगञ्ज, ३१ साउनभारत सरकारले वीरगञ्ज देखि काठमाडौ जोड्ने रेलमार्ग छिट्टै बनाउन लागेको बताइएको छ । वीरगञ्जस्थित भारतीय महावाणिज्य दूतावासका महावाणिज्यदूत बिसी प्रधानले उक्त कुरा बताएका हुन् ।
भारतको ७२ औं स्वतन्त्रता दिवसको अवसरमा वीरगञ्जस्थित भारतीय महावाणिज्य दूतावासमा आयोजित पत्रकार सम्मेलनमा उनले उक्त खुलासा गरेका थिए ।
भारत सरकारले वीरगञ्ज काठमाडौं रेल मार्ग निर्माण परियोजनालाई उच्च प्राथमिकतामा राखेको उनको दावी छ ।
अनुमानित १ सय १३ किलोमिटर लामो यो रेल मार्ग निर्माणको सम्झौता गर्न भारत सरकार तत्पर भएको भन्दै महावाणिज्यदूत बीसीले छिट्टै यो बन्ने विश्वास व्यक्त गरेका थिए ।
