सर्लाही, ३१ साउनसर्लाहीको हरिवनस्थित इलाका प्रसासन कार्यालयले ७४ लाख भन्दा बढी राजस्व असूली गरेको छ । यसले आर्थिक बर्ष २०७४/०७५ को अबधीमा ७४ लाख भन्दा बढी राजश्व उठाएको हो ।
बि.स. २०६३ सालबाट हरिवनमा इलाका प्रशासन कार्यालयको स्थापना गरिए संगै विभिन्न सेवा दिन शुरु गरेको इलाका प्रशासन कार्यालय हरिवनले विभिन्न सेवा दिए बापत ०७४/७५ को श्रावण १ देखि असार ३२ गते एक बर्षको अबधी मा ७४ लाख २५ हजार राजश्व उठाउन सफल भएको जनाएको छ ।
प्रसाशन कार्यालय हरिवनका शाखा प्रमुख दिपक कुमार आचार्यले दिएकाे जानकारी अनुसार एक बर्षको अबधीमा बंशज नागरिकता मात्रै ५ हजार ९ सय ४० दिइएको छ भने बैबाहिक अंगिकृत नागरिकता ४३, प्रतिलिपी नागरिकता २ हजार ७ सय ४७, दलित आदिबासी जनजाती प्रमाणित १ सय ४३ .ठाडो उजुरी काम कार्बाही ६०, द्रुत राहदानी २ हजार ३९ नियमित राहदानी १ हजार ४ सय ४५ वटा बितरण गरेको जनाइएको छ ।
त्यस्तै सोही अबधीमा इलाका प्रशासन कार्यालय ले ११ वटा संघ सस्था दर्ता र १४ वटाको नबिकरण गरिएको प्रशासनका सुचना अधिकारी दिलिप कुमार थापाले जानकारी दिएका छन् ।