बलात्कारीलाई फासी हुनुपर्ने मागसहित  शनिबार काठमाडौंको माइतीघर मण्डलामा अधिकारवादीहरुको एक समुहले कालो पेटीकोट लगाएर प्रदर्शन गरेको छ । देशमा बलात्कारको घटना बढिरहेको मा चिन्ता व्यक्त गर्दै उक्त समुहले बलात्कारीलाई फाँसी हुनुपर्ने मागसहित प्रदर्शन गरेको हो ।

अर्धनग्न भएर कालो पेटीकोट लगाएका प्रदर्शनकारीका कारण प्रहरी परेशान बन्यो । प्रदर्शनकारीहरुलाई प्रहरीले तितरवितर पारेर केहीलाई पक्राऊसमेत गरेको छ ।

पक्राउ पर्नेहरुमा शावित्री सुवेदी, रिया भण्डारी लगायत रहेका छन । उनीहरुलाई अनामनगरस्थित प्रहरी वृत्तमा हिरासतमा राखिएको बताइएको छ ।

शान्तिपूर्ण प्रदर्शनमा प्रहरीले हस्तक्षेप गरेको प्रदर्शनकारीले आरोप लगाएका छन । प्रहरीले भने सार्वजनिकस्थलमा अर्धनग्न प्रदर्शन गरेकोले पक्राऊ गर्नुपरेको भन्दै आफ्नो कार्यको बचाउ गरेको छ ।