पूर्वपश्चिम लोकमार्ग अन्तर्गत सर्लाहीको लालबन्दीमा आईतबार विहान एक टिपर दुर्घटनामा परेको छ । इश्वरपुरबाट वीरगन्जको लागि क्रसरबाट निकालिएको बालुवा लिएर आउदै गर्दा नवलपुरको लखन्देही पुल नजिक टिपर दुर्घटनामा परेको हो ।

बालुवा लिएर आएको ना ३ख ८२१२ नम्बरको टिपर दुर्घटना हुदा टिपरमा सामान्य क्षति पुगेको भए पनि मानवीय क्षति हुन नपाएको जिल्ला ट्राफिक प्रहरी कार्यालय सर्लाहीका प्रहरी नायब निरीक्षक सन्त श्रेष्ठले जानकारी गराएका छन् ।

दुर्घटनामा परेको सवारीसाधन र चालक इलाका प्रहरी कार्यालय नवलपुरको नियन्त्रणमा रहेको इलाका प्रहरी कार्यालय नवलपुरका प्रहरी निरीक्षक मेग्जन लामाले बताए । दुर्घटनाको थप अनुसन्धान भैरहेको बताइएको छ ।