उक्त अवसरमा प्रहरी महानिरीक्षक खनालले साईबर सुरक्षा तथा अपराध अन्तर्राष्ट्रिय चासोको विषय भएको बताए । उनले नेपालमा यसको सुरक्षा प्रविधिको विकास गर्नका लागि सरोकारवाला पक्षहरुबीच समन्वय गर्नुपर्नेमा जोड दिए ।

साईबर अपराध अनुसन्धानको क्रममा सो सम्बन्धी सूचना प्राप्त गर्न कठिन रहेको अवस्थामा सरोकारवाला निकायबीच समन्वय गरी तुरुन्त सूचना पाउन सक्ने वातावरण सिर्जना गर्न तथा आगामी कार्यदिशा बनाउन अन्तरक्रिया महत्वपूर्ण हुने उनले उल्लेख गरे ।

अन्तरक्रियामा प्रहरी नायब उपरीक्षक पशुपतिकुमार रायले साईबर सुरक्षा तथा साईबर अपराध सम्बन्धी, संचार तथा सूचना प्रविधि मन्त्रालयका उपसचिव महेन्द्रप्रसाद साँखीले सूचना प्रविधि विधेयक, नेपाल राष्ट्र बैंकका डेपुटी डाइरेक्टर अजित रेग्मीले वित्तिय क्षेत्रमा सुरक्षा सम्बन्धी नीति तथा चुनौति, नेपाल दूरसंचार प्राधिकरणका वरिष्ठ निर्देशक आनन्दराज खनालले साईबर सुरक्षा सम्बन्धमा नियामक निकायको भूमिका र नेपाल बैंकर एसोसियसनका प्रतिनिधि सुजित श्रेष्ठले बैंक तथा वित्तिय संस्थाको वर्तमान साईबर सुरक्षाको अवस्था लगायतका विषयमा प्रस्तुतिकरण गरेका थिए ।

कार्यक्रममा प्रहरी नायव महानिरीक्षकहरु, सूचना प्रविधिको क्षेत्रमा कार्यरत विज्ञहरु लगायत वरिष्ठ प्रहरी अधिकृतहरुको समेत उपस्थिति रहेको थियो ।