काठमाडौं,८ भदाैअनमिनले अयोग्य लडाकु ठहर गरेपछि बहिर्गमनमा परेका पूर्व बालसेना लेनिन बिष्टले आफूलाई राज्यबाट खतरा रहेको बताएका छन् । शुक्रवार सरकारले उनलाई विदेश भ्रमणमा रोक लगाई एअरपोर्टबाट फ़र्काइदिएपछि दु:खी देखिएका बिष्टले आफूलाई राज्यबाट खतरा रहेको दुखेसो पोखेका हुन् ।
एक अन्तरास्ट्रिय कार्यक्रममा भाग लिन थाइल्याण्ड जान लागेका बिष्टलाई आज बिहान एअरपोर्टमा रोकिएको थियो । उनले नेपालमा कहिँ कतैबाट उक्त सेमिनारमा जान स्वीकृती नलिएको कारण देखाउदै उनको यात्रामा रोक लगाइएको थियो ।
बिष्टले भने आफूले अन्तरास्ट्रिय कार्यक्रममा बालसेनाको कुरा उठाउने आशंकामा सरकारले गैकानुनी हर्कत गरेको दावी गरे । यस अघि पनि आफूलाई झुट्टा मुद्दामा फसाएको जिकिर गर्दै बिष्टले राज्यले शक्ति देखाएर एक नागरिकको स्वतन्त्रता माथि धावा बोलेको आरोप लगाए ।
”राज्य नै मेरो बिरुद्ध लागेको छ । म एक्लो व्यक्तिले के नै गर्नु सक्छु र । मेरो इन्काउन्टर पनि हुनसक्छ । मलाई राज्यबाट खतरा छ ।” बिष्टले बताए ।