सर्लाही, ९ भदाैसर्लाहीका १० स्थानीय तहमा पनि अब खुला दिसा निषेध हुने भएको छ । जिल्लाको मलंगवा, कविलासी, हरिपुर्वा,ईश्वरपुर, लालबन्दी नगरपालिका र विष्णु, ब्रम्मपुरी, धनकौल , चक्रघटा, र चन्द्रनगर गाउँपालिका खुल्ला दिसामुक्त घोषणा हुन लागेका हुन् ।
कार्तिक १० गते भित्र सर्लाही जिल्लालाई पूर्णरुपमा खुला दिसामुक्त घोषणा गर्ने तयारी भएसंगै यी १० स्थानीय तहमा पनि खुला दिसा निषेध हुने भएको हो । अन्य बाकी १० स्थानीय तहमा भने खुला दिसा मुक्त क्षेत्र घोषणा भैसकेको छ ।
जिल्ला खानेपानी तथा सरसफाई समन्वय समितिको वैठकले कार्तिक १० गते भित्र खुला दिसामुक्त जिल्ला घोषणा गर्ने भएको हो । जिल्ला समन्वय समिति सर्लाहीका सभापति एवं जिल्ला खानेपानी तथा सरसफाई समन्वय समितिका अध्यक्ष मैथुर चौधरीको अध्यक्षता तथा प्रमुख जिल्ला अधिकारी द्रोण पोखरेलको प्रमुख आतिथ्यतामा जिल्ला समन्वय समितीको सभाहलमा भएको वैठकले उक्त निर्णय गरेको हो ।
कार्यक्रममा युएन ह्याविटयाट्का केन्द्रिय कार्यालय काठमान्डौका विशेषज्ञ मदन मल्ल, २० वटै स्थानीय तहका प्रमुखहरु, सरसफाई क्षेत्रमा काम गर्ने संघसस्थाका प्रतिनिधीहरु लगायतको उपस्थिती रहेको जिल्ला खानेपानी तथा सरसफाई डिभिजन कार्यलयका प्रमुख इन्जिनियर जगरनाथ पुर्वेलाई उदृत गर्दै त्यहाँबाट पत्रकार अखिलेश वैठाले बताए ।