सर्लाही, १० भदाैआम उपभोक्ताले तरकारी महंगोमा किन्नुपरेको गुनासो गरिरहदा किसानले भने २ रुपैया किलो पनि मुल्य पाउन सकेका छैनन् ।
मुल्य नपाउँदा ताजा तरकारीको लागि देशभर नाम कहलिएको सर्लाहीको लालबन्दीमा किसानहरुले राजमार्गमै तरकारी फाल्नु परेको छ । तरकारीको उचित मुल्य नपाएपछि बाटो मै तरकारी फाल्नु पर्ने बाध्यता आइपरेको हो ।
केहि दिन अघि सम्म राम्रै मुल्य पाइरहेका ताजा तरकारीको मुल्यमा एक्कासी गिरावट आए पछि बिरोध स्वरुप किसानहरुले ताजा तरकारीहरु राजमार्गमा फालेका छन् ।
लगानी अनुसार मुल्य नपाए पछि किसानहरु आक्रोसित हुदै ताजा तरकारी राजमार्गमा फालेर आन्दोलनमा उत्रिएका हुन् ।
दुई दिन अघि सम्म घिरौला प्रति किलो १५ रुपैयामा थोक ब्यापारीले खरिद गरिरहेका भए पनि शनिवार घिरौला दुई रुपैयामा पनि ब्यापारीले खरिद नगरे पछि निरास किसानहरुले ब्यापारीको बिरोध गरेकाे बताए । घिरौला, झिमनी, भिन्डी लगायत तरकारी राजमार्गमा फालेर बिरोध गरिएको थियो ।
बेच्न लगेका ताजा तरकारी राजमार्गमा फ्याकेर केहि बेर राजमार्गमा प्रदर्शन गरेका थिए । प्रदर्शन बाट केहि समय राजमार्ग समेत अबरुद्द भएको नवलपुरका किसान असर्फी महतोले जनाए ।
उता ब्यापारीहरुले भने ताजा तरकारी को देशभर नै उत्पादन मा बृदी आएको र उत्पादन अनुसार तरकारी हरु महगो मुल्यतिरेर खरिद गर्न नसकेको बताएका छन ।
लालबन्दी बाट दैनिक २० ट्र्क भन्दा बढी ताजा तरकारी काठमाण्डौ ,वीरगन्ज , हेटौडा ,नारायणघाटका साथै पुर्व बिराटनगर सम्म पनि पुर्याउने गरिएको छ ।
क्रेता व्यापारीहरु कम उपस्थित हुदा मुल्य घटेको ताजा तरकारी ब्यबस्थापन समितीका ब्यबस्थापक शम्भु प्रसाद घिमिरेको भनाई रहेको छ । चाड पर्व परेकोले क्रेता ब्यापारी कम आएको हुनसक्ने बजार विश्लेषकहरु बताउँछन् ।
