News Portal

  • काठमाडौंको सडकबारे मनहरीमा प्रचण्डले गरे नयाँ खुलासा

    रामकृष्ण शिवाकोटीमकवानपुर, २० भदाै
    ८६२ पटक
    मकवानपुर, २० भदाै

    नेपाल कम्युनिष्ट पार्टीका अध्यक्ष पुष्पकमल दाहाल (प्रचण्ड) ले वर्षायाम सकिएपछि काठमाडौँको सबै सडक स्तरोन्नति गरेर सफा र हराभरा बनाउने सरकारी योजना रहेको  खुलासा गरेका छन् । अब हिले र खाल्डे सडक होइन , चिल्ला फराकिला र राम्रा सडक सरकारले बनाएर देखाउने उनको दावी छ ।

    मनहरी–९ रजैयामा आज ओम श्री वातावरण शुद्धीकरण अभियान अग्निहोत्र आश्रमको वार्षिकोत्सव कार्यक्रम उद्घाटन गर्दै प्रचण्डले ५ वर्षभित्रमा समृद्ध नेपाल बनाउने जिकिर गरे । ” ६ महिनामै जनताले सास्तीबाट मुक्ति पाउछन् ।” प्रचण्डले उद्घोष गरे ।

    वर्षा  सकिएलगत्तै जनताको मुहारमा खुशी ल्याउन बिशेष योजना बनाइएको उनको भनाई रहेको छ ।

    सरकारले काम देखाउन नसकेको स्वीकार गर्दै उनले भने “अबको ६ महिना पर्खनोस् र हेर्नुस्, ६ महिनाभित्रमा सरकारले देखिने गरी काम गर्नेछ।”

    पूर्व–पश्चिम रेलमार्ग सपना मात्र नभई यथार्थ रहेको बताउँदै उनले अब चीन र भारतबाट रेल आउने निश्चित भएको बताए । नेपालमा रेललाई कसैले रोक्न नसक्ने बताएका प्रचण्डले नेपालभित्र चल्ने पूर्वपश्चिम रेल मात्र होइन, अब चीन र भारतबाट पनि रेल आउने पक्का भैसकेको  प्रष्ट पारे ।

    निरास मानिसहरुमा अब छिट्टै आशा जगाउनेगरि काम हुनेमा उनले आस्वस्त पार्ने प्रयास गरेका थिए ।

    कार्यक्रममा प्रदेश नं ३ का मुख्यमन्त्री डोरमणि पौडेल, मकवानपुर क्षेत्र नं २ का सांसद विरोध खतिवडा, राष्ट्रियसभाका सदस्य रामनारायण विडारी, प्रदेश नं ३ का प्रतिपक्ष दलका नेता इन्द्र बानियाँ, मनहरी गाउँपालिका अध्यक्ष एकराज उप्रेती, नेपाली काङ्ग्रेस मकवानपुरका पूर्वसभापति रामचन्द्र अर्याल ‘माइकल’ लगायतले जनतालाई गरेको बाचा सरकारले भुल्न नहुने भन्दै जनताले कुरा नभइ काम हेर्न चाहेको र जनभावना अनुरुप विकास निर्माण गरेर देखाउनुपर्नेमा जोड दिएका थिए ।

    प्रतिकृया दिनुहोस्

    सुवर्णेश्वर मन्दिर परिसरमा १ सय ८ शिवलिङ्ग र सप्तऋषि स्थापना

    भक्तपुरको सूर्यविनायक-५ कटुञ्जेस्थित सुवर्णेश्वर मन्दिर परिसरमा १ सय ८ शिवलिङ्ग र सप्तऋषिको स्थापना गरिएको छ...

    स्वयंसेविकालाई नियमित तालिम दिन सिडिओ शर्माको निर्देशन

    भक्तपुरकी सिडिओ रुद्रादेवी शर्माले महिला स्वयंसेविकालाई नियमित तालिम र परामर्श दिन भक्तपुर स्वास्थ्य कार्यालय र...

    निःशुल्क सेवा र औषधी प्रदान गर्दै भक्तपुर आयुर्वेद स्वास्थ्य केन्द्र

    जिल्ला आयुर्वेद स्वास्थ्य केन्द्र भक्तपुरले मंगलबार जिल्ला समन्वय समितिको हलमा स्थानीय पत्रकारहरुसँग अन्तरक्रिया कार्यक्रम सम्पन्न...

    छोटो समयमा धेरै उपलब्धि हासिल गर्नु नै वास्तविक उपलब्धि: सांसद गोसाई

    बाग्मती प्रदेशका नवनिर्वाचित सांसद सुरेन्द्रराज गोसाईले छोटो समयमा धेरै उपलब्धि हासिल गर्न सक्नु मात्र वास्तविक...

    नेपाल राष्ट्रिय कर्मचारी महासंघले स्थापना दिवसको अवसरमा शुक्रवार रक्तदान गर्ने

    नेपाल राष्ट्रिय कर्मचारी महासंघले आफ्नो स्थापना दिवसको अवसरमा रक्तदान गर्ने भएको छ । स्थापना दिवसको...