News Portal

  • नेपाल-चीन सम्वन्धले भारतमा हंगामा : सबै मिडियामा बने ब्यानर न्यूज

    विश्वास रेग्मीकाठमाडौं, २४ भदौ
    ५८६ पटक
    काठमाडौं, २४ भदौ

    बिहीबार राति नेपाल र चीनका प्रतिनिधिबीच नेपाल–चीन पारवहन सम्झौताको प्रोटोकल (कार्यविधि) मा सहमति जुटेपछि विशेष गरी भारतीय सञ्चारमाध्यमले यसलाई प्राथमिकताका साथ प्रकाशन÷प्रसारण गरेका छन् । सहमतिअनुसार चीनले आफ्ना सबै बन्दरगाह प्रयोग गर्न पाउने गरी नेपाललाई सुविधा उपलब्ध गराउने भएपछि भारतीय सञ्चार जगत्ले यसलाई विशेष चासो दिएको छ ।
    अधिकांश भारतीय मुख्य दैनिक पत्रिका, टेलिभिजन र पत्रिकाका अनलाइन संस्करणमा पारवहन प्रोटोकलको समाचार छुटेको छैन । अधिकांश सञ्चारमाध्यमले यो सहमतिसँगै नेपालसँगको व्यापारमा भारतीय एकाधिकार अन्त्य भएको विषयलाई प्राथमिकता दिएका छन् ।
    भारतको अङ्गे्रजी दैनिक टाइम्स अफ इन्डियाको बेङ्गलोर संस्करणले विश्व समाचार पृष्ठमा उक्त सहमतिको समाचारलाई ब्यानर समाचार बनाएको छ । ‘नेपाल इन्ड्स इन्डियन मोनोपोली अन ट्रान्जिट’ अर्थात् नेपालले पारवहनमा भारतको एकाधिकार अन्त्य गर्यो भन्ने शीर्षकमा सात कोलममा शनिबार समाचार प्रकाशन भएको छ ।
    हिन्दी भाषामा प्रकाशन हुने भारतका दुई चर्चित पत्रिका दैनिक भाष्कर र अमर उजालाले आफ्नो अनलाइन संस्करणमा यस विषयको समाचार प्रकाशन गरेका छन् । दैनिक भाष्करले ‘चीन ने नेपालको चार बन्दरगाह इस्तेमाल करने की अनुमति दी, इससे पडोशी देशकी भारत पर निर्भरता कम होगी’ र अमर उजालाले ‘चीन ने नेपालको चार बन्दरगाह व दो लैंडपोर्ट इस्तेमाल करने कि दी अनुमति’ शीर्षकमा दुई देशबीचको सम्झौताले भारतसँग मात्र निर्भर अन्तर्राष्ट्रिय व्यापार अन्त्य हुने उल्लेख गरेका छन् ।
    त्यस्तै अर्को हिन्दी दैनिक पत्रिका जागरले शनिबार आफ्नो अनलाइन संस्करणमा ‘चीन की नई चाल, नेपाल को दी अपने बन्दरगाह और जमीन इस्तेमाल करने की इजाजत’ शीर्षकमा समाचार प्रकाशन गरेको छ । भारतीय टेलिभिजन जी न्युजको अनलाइन संस्करणले ‘इन्डियन मोनो इन्ड्स एज नेपाल गेट्स एक्सेस टु चाइजिन पोर्ट्स’ शीर्षकमा एजेन्सी पे्रस ट्रस्ट अफ इन्डिया(पीटीआई)को समाचार प्रकाशन गरेको छ ।
    अर्को टेलिभिजन एनडीभीको अनलाइन संस्करणले ‘चाइना टु अलो नेपाल एक्सेस टु पोर्ट्स, इन्डिङ इन्डियन मोनोपोली अन ट्रान्जिट’ शीर्षकमा समाचार एजेन्सी रोयटर्सको समाचार प्रकाशन गरेको छ । त्यस्तै, हिन्दुस्तान टाइम्सले ‘नेपाल टु गेट एक्सेस टु चाइनिज पोर्ट्स’ शीर्षकमा आफ्नो विश्व समाचार पृष्ठमा दुई कोलमको समाचार प्रकाशन गरेको छ । दी इकोनोमिक टाइम्स, आउटलुक, डेक्कन हेराल्ड, विजनेस स्टान्डर्डका अनलाइन संस्करणमा यसबारे समाचार प्रकाशन भएका छन् ।
    दी इन्यिडन एक्सपे्रसले ‘नेपाल गेट्स एक्सेस टु अल चाइनिज पोर्टस् इन्डिङ डिपेन्डेन्स अन इन्डिया फर टे«ड’ शीर्षकमा आफ्नो विश्व पृष्ठको दोस्रो मुख्य समाचार बनाएको छ । त्यस्तै स्क्रोल डट इन, फाइनान्सियल एक्सपे्रस, द टेलिग्राफले फरक शीर्षकमा नेपालले पारवहनमा चीनसँग ऐतिहासिक सहमति गरेको उल्लेख गरेका छन् । चीनका केही सञ्चारमाध्यमले पनि प्रोटोकलको सहमति प्रकाशन प्रसारण गरेका छन् । समाचार एजेन्सी सिन्ह्वा ‘नेपाल, चाइना कन्क्लुड प्रोटोकल अफ ट्रान्जिट ट्रान्सपोर्ट एग्रिमेन्ट’ शीर्षकमा समाचार प्रकाशन गरेको छ । याहु न्युजले ‘नेपाल चाइना फाइनलाइज ल्यान्डमार्क ट्रान्जिट प्रोटोकल’ शीर्षकमा दुई देशबीच ऐतिहासिक सहमति जुटेको उल्लेख गरेको छ ।
    भारतीय सञ्चारमाध्यमले विशेष गरी भूकम्प र संविधान निर्माणपछि भारतले गरेको नाकाबन्दीका कारण पारवहन प्रोटोकल सम्भव भएको विषय आफ्ना समाचारमा समेटेका छन् । त्यस्तो सहमतिसँगै पारवहनमा नेपालमाथि भारतको एकाधिकार सकिएको सञ्चारमाध्यमले जनाएका छन् ।
    नेपाल र चीनबीच सन् २०१६ मार्च २१ तारिखमा भएको पारवहन तथा यातायात सम्झौतालाई कार्यान्वयन गर्न भदौ २० र २१ गते काठमाडौँमा बसेको दुई देशबीचको तेस्रो बैठकले कार्यविधि (प्रोटोकल)को अन्तिम टुङ्गो लगाएको थियो । उक्त प्रोटोकल कार्यान्वयनमा आएपछि नेपालले चीनका बन्दरगाह उपयोग गर्नसक्ने र त्यसका लागि चीनभित्रका जुनसुकै रुटबाट टुवानी गर्न पाउने सहमति भएको थियो । गोरखापत्रबाट

     

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    ४ महिना थप ३७ जनामा एचआइभी एड्स संक्रमण

    झापामा चार महिनाको अवधिमा ३७ एचआइभी एड्स सङ्क्रमित थपिएका छन् । यस वर्षको साउनदेखि कात्तिकसम्ममा...

    सुनसरी -४ बाट सञ्चार मन्त्री कार्की निर्वाचित

    सुनसरी क्षेत्र नम्बर–४ बाट सूचना तथा सञ्चार मन्त्री एवम् नेपाली कांग्रेसका उम्मेदवार ज्ञानेन्द्रबहादुर कार्की निर्वाचित...

    अङ्ग्रेजी माध्यमले तान्यो विद्यार्थीको आकर्षण

    गुल्मी मालिका गाउँपालिका–४ का १२ वर्षे अमृत अर्याल विद्यालय पुग्न दैनिक तीन घण्टा पैदल हिँड्नुहुन्छ...

    कामनपाको आतंक मच्चाउने कार्य रोक्न महासंघको माग

    अखिल नेपाल किसान महासंघ (क्रान्तिकारी केन्द्र)ले काठमाडौँ महानगरपालिकाको क्रियाकलापहरू तत्काल रोक्न महानगरपालिकासमक्ष जोडदार माग गरेको...

    विपद्बाट बच्न सँधै तयार रहनुपर्ने : प्रमुख प्रजापति

    भक्तपुर नगरपालिकाका प्रमुख सुनिल प्रजापतिले विपद् जोखिम अप्रत्यासित रुपमा आइपर्ने काबु बाहिरको परिस्थिति भएले यसबाट...