पोखरा, २६ भदाैगण्डकी प्रदेशका मुख्यमन्त्री पृथ्वीसुब्बा गुरुङ् याैन ब्यवसायप्रति उदार देखिएका छन् । प्रदेश भित्र अवैध यौन धन्दा भैरहेको जिकिर गर्दै उनले यसलाइ बैधता दिन आवश्यक रहेको बताए ।
होटल संघ नेपाल र पश्चिमाञ्चल होटल संघद्वारा मंगलबार पोखरामा आयोजित गण्डकी प्रदेशको पर्यटन रणनीति विषयक अन्तक्रिया कार्यक्रममा बोल्दै उनले भने,” समाजमा लुकिछिपी भएको यौन कार्यले फाइदा गर्दैन यसलाइ व्यवस्थित बनाउन आवश्यक छ ।”
रेडलाइट एरिया र यौनकर्मीलाई परिचय पत्र दिनुपर्नेमा उनले जोड दिए । ”रेडलाईट एरिया बनाउनु राम्रो हुन्छ तत्काल यो संभन नभए यौनधन्दामा लागेकालाई परिचय पत्र दिने व्यवस्था गर्नुपर्छ ।” उनले भने ।
परिचय पत्र पाएपछि प्रहरी प्रशासनले हस्तक्षेप गर्न नपाउने हुदाँ लुकिछिपी यौन धन्दा गर्नुपर्ने अवस्थाको अन्त्य हुने र यसले पर्यटन प्रवर्दनमा मात्र नभइ याैन अपराधका घटना न्यूनिकरणमा समेत सहयोग पुग्ने मुख्यमन्त्री गुरुङ्ले जिकिर गरे ।
