नवनियुक्त प्रधान सेनापती पूर्णचन्द्र थापाले भारतीय सेनाले गरेको निम्ता अस्वीकार गरेका छन् । बिम्सटेक सैन्य अभ्यासमा सहभागी हुन भारतले गरेको निम्ता थापाले अस्वीकार गरिदिएका हुन् ।

संयुक्त सैन्य अभ्यास बारे चर्को आलोचना र यसले नेपालको कुटनीति र विदेश नीतिमा असर पार्ने बहसका बीच सेनापती थापाको सहभागीता नहुने कुरालाई अर्थपूर्ण रुपमा हेरिएको छ । यद्यपी नेपाली सेनाले आफ्नो असमर्थताको कारण भने देशको आन्तरीक औपचारीक कार्यक्रममा व्यस्त हुनुपरेकोले सहभागी हुन नसक्ने भारतीय सेनालाई जानकारी गराएको बताइएको छ ।

बिम्सटेकको सेना प्रमुखहरु सहभागी हुने सम्मेलनमा भाग लिन भारतीय सेनाद्वारा गरिएको निमंत्रणा अस्वीकार गरेपछि भारतीय वृत्तमा थापाको चर्चा चलेको छ । भारतमा बिम्सटेक सैन्य अभ्यासमा पहिलो पटक भाग नलिने फैसला पछि नेपाली सेनाले यो कदम उठाएको आधिकारिक सूचना प्राप्त भएको छ ।

मङ्सिर १० गते तय भएको सेना प्रमुखको सम्मेलनमा नेपाल बाहेक सबै देशका सेना प्रमुख सहभागी हुने खबर छ ।