सर्लाही, ३० भदाैसर्लाहीका ६ स्थानीय तह एक वर्ष देखि भाडाको घरबाट कार्यालय संचालन भैरहेका छन् । २० स्थानीय तह मध्ये ६ मा आफ्नै भवन नभएपछि भाडाको घरबाट कार्यालय संचालन भैरहेकाे हो ।
कार्यालय संचालन गर्न आफ्नै भवन नभएपछि जिल्लाका बलरा ,हरिपुर्बा , गोडैता नगरपालिका र धनकौल ,रामनगर तथा चक्रघट्टा गाउँपालिकाले भाडाको घरबाट कार्यालय संचालन गर्दै आएको जिल्ला समन्वय समिति सर्लाहीका सूचना अधिकारी पुष्करमणि घिमिरेले जानकारी दिए ।
जिल्लाको ९ गाउँपालिकामध्ये ३ वटाको आफ्नो भवन छैनन् । त्यस्तै ११ नगरपालिकामध्ये पनि ३ वटा नगरपालिकाले भाडामा भवन लिएर कार्यालय संचालन गरेका छन् । धेरैजसो पालिकाका वडा कार्यालयहरु पनि विभिन्न सामुदायिक भवन,स्वास्थ्य संस्थाको भवन प्रयोग गरेर संचालनमा छन् । आफ्नै भवन भएका कतिपय नगरपालिका तथा गाउँपालिकाले पनि वडा कार्यालय संचालन गर्न भवन भाडामा लिनुपरेको हो ।
यसरी कार्यालय भवन आफ्नो नहुदा महँगोमा घर भाडा लिएर कार्यालय संचालन गर्न परेको जनप्रतिनिधिहरुको गुनासो छ । जनताको पैसाले भाडा तिर्नुपरेको उनीहरु बताँउछन् ।
भाडाको सानो कोठामा राखेर कार्यालय सन्चालन गर्नुपर्दा समस्या भएको हरिवन नगरपालिका ११ का सचिब चित्र बिश्वकर्माले बताए ।
यसरी घर/कोठा भाडामा लिएर कार्यालय सञ्चालन गरेका स्थानीय तहले अझै भवन निर्माणमा भन ध्यान दिन सकेका छैनन् । लामो समय देखि जिल्लामा संचालन भैरहेका सरकारी कार्यालय स्थानीय तहमातहत आएपछि त्यसको पुर्वाधारमाथि कब्जा जमाई पालिकाले कार्यालय संचालन गर्ने समस्या देखिएको कर्मचारीहरुको भनाई छ ।