सर्लाही, ३० भदाैसर्लाही जिल्लाको हाइवेदेखि दक्षिणतर्फ भित्री सडक अन्तर्गत चन्द्रनगरमा बस दुर्घटना भएको छ । शनिवार साँझ भएको दुर्घटनामा परि दुईको ज्यान गएको छ भने १८ जना घाईते भएका छन् ।
मलंगवाबाट इश्वरपुर बयलबास तर्फ जाँदै गरेको ना २ ख ८००३ नम्बरको यात्रु बाहक बस अनियन्त्रित भै सडकबाट तल खसी दुर्घटना हुँदा दुई जना को ज्यान गएको हो भने १८ जना घाईते भएका हुन् ।
जिल्ला ट्राफिक प्रहरी कार्यालय नवलपुरले जनाए अनुसार ज्यान जानेमा ईश्वरपुर नगरपालिका ९ का २६ वर्षिय नथुनी राय यादब र सोही ठाउँकी १९ वर्षिया अन्जु साह छन् । उनीहरु दुवैको शव पोस्ट्मार्टमको लागि जिल्ला अस्पताल मलंगवा पठाइएको प्रहरीले बताएको छ ।
बस दुर्घटनामा परि घाइते भएका १८ जनाको जिल्ला अस्पताल मलगंवामा उपचार भएपछि घर फर्किएका प्रहरीले जनाएको छ । बस प्रहरीको नियन्त्रण रहेको भएपनि चालक भने फरार रहेका छन् ।
चालकको खोजी कार्य भैरहेको र घटनाको पनि थप अनुसन्धान जारी रहेको सर्लाही प्रहरीले जनाएको छ ।