नेपाली कांग्रेसको भ्रातृ संगठन नेपाल विद्यार्थी संघमा उमेरहद तोकिएको छ । नेपाली कांग्रेस केन्द्रीय समितिको बैठकले नेविसंघमा लामो समयदेखि देखिएको विवाद हल गर्न उमेरहद तोक्ने प्रस्तावलाई पौडेल, सिटौला, प्रकाशमान र अर्जुन नर सिंहको नोट अफ डिसेन्टका बीच बहुमतले अनुमोदन गरेको हो ।
समितिका संयोजक समेत रहेका नेता प्रकाशशरण महतले यो प्रस्ताव केन्द्रीय समितिमा पेस गरेका थिए । तर नेता रामचन्द्र पौडेल निकट नेताहरुले यसको तीव्र विरोध गरेपछि राति अबेरसम्म बैठक लम्बिएको थियो । बैठकले १२ औं महाधिवेशन नै उमेरहद लगाएरै गर्ने निर्णय गरेको कांग्रेस नेता रमेश लेखकले जानकारी दिए ।
उनका अनुसार अब नेविसंघमा ३२ वर्षभन्दा बढि उमेरका व्यक्ति नेता हुन पाउने छैनन ।

बैठकमा सभापति शेरबहादुर देउवा पक्षले एकलौटी गरेको भन्दै रामचन्द्र पौडेल, कृष्ण सिटौला, प्रकाशमान सिंह, अर्जुननरसिंह केसीलगायतका नेताहरुले ‘नोट अफ डिसेन्ट’ लेखेका छन् ।